ఫోకస్
బీజేపీకి ఇబ్బందే!
S ,7 à 8 RSCA (si SASPAS) et 6 cialis pharmacie cialis rapports de stage.
గుజరాత్, హిమాచల్ ప్రదేశ్ ఎన్నికల ఫలితాలు పరిశీలిస్తే బీజేపీకి భవిష్యత్తులో ఇబ్బందులు ఎదురవక తప్పదనిపిస్తోంది. ప్రధానమంత్రి నరేంద్ర మోదీ సొంత రాష్టమ్రైన గుజరాత్‌లో వరుసగా ఆరోసారి ఈ పార్టీ విజయం సాధించినా, సీట్ల సంఖ్య తగ్గడం నైతికంగా ఆ పార్టీకి ఇబ్బందే. గుజరాత్‌లోని వాద్‌నగర్ (మోదీ సొంత ఊరున్న నియోజకవర్గం) అసెంబ్లీ సెగ్మెంట్‌లోనే బీజేపీ అభ్యర్థి ఓడిపోయారు. మొత్తం మీద గుజరాత్‌లోని పట్టణ ప్రాంతాలతో పాటు, గ్రామీణ ప్రాంతాలల్లో కూడా బీజేపీ ఓట్ల శాతం గణనీయంగా తగ్గింది. గుజరాత్ అభివృద్ధే దేశాభివృద్ధి కాజాలదు. గుజరాత్ అభివృద్ధి దేశానికి ఆదర్శం కూడా కాదు. గుజరాత్ ఎన్నికల్లో నరేంద్ర మోదీ తన ప్రచారంలో రాహుల్‌గాంధీ ప్రతిష్ఠను ఫణంగా పెట్టారు. రాజకీయాలు ఎలా ఉన్నా, ఒక జాతీయ నాయకుడు రాష్ట్ర ఎన్నికల్లో తీసుకున్న ఈ కోణం సరైంది కాదు. గుజరాత్ అభివృద్ధిలో డొల్లతనం ప్రజలకు అర్థమైంది. హిమాచల్‌ప్రదేశ్‌లో కాంగ్రెస్ అవినీతి, అంతర్గత కలహాలు ఆ పార్టీ ఓటమికి కారణాలుగా చెప్పుకోవచ్చు. హిమాచల్‌ప్రదేశ్ ఫలితాలు అధికార పార్టీపై ప్రజలకు అసంతృప్తి కోణంలో చూడాల్సిన అవసరం ఉంది. సాధారణంగా ఏ రాష్ట్రంలో అయినా అధికార పార్టీ మళ్లీ అధికారం నిలుపుకోవడం కష్టమే. అదే విధంగా భవిష్యత్తులో బీజేపీ పాలిత రాష్ట్రాలకు కూడా ఈ సూత్రం వర్తిస్తుంది. బీజేపీ పాలిత రాష్ట్రాల్లో బీజేపీకి మళ్లీ గెలుపు ఖాయమని ఎవరూ చెప్పలేరు. జాతీయ స్థాయి అంశాలు పరిశీలిస్తే పెద్దనోట్ల రద్దు, జిఎస్‌టి తదితర అంశాలవల్ల సంక్షోభం చెలరేగి అసంఘటిత రంగంలో 10 లక్షల మంది కార్మికులు, ఉద్యోగులు తమ ఉద్యోగాలు కోల్పోయారు. ‘‘సెంటర్ ఫర్ మానిటరింగ్ ఇండియన్ ఎకానమీ సొసైటీ’’ చేసిన పరిశోధన ఈ విషయాన్ని వెల్లడించింది. ఇది కార్మిక వర్గాల్లో అల్లకల్లోలం రేపింది. జిడిపిలో వేతనాల నిష్పత్తి క్రమంగా క్షీణిస్తోంది. జాబ్ ఆటోమేషన్ వల్ల ఉద్యోగాలు పోతాయి. పాత పెన్షన్ విధానంపై ఇప్పటికే ఉద్యోగులు పోరాటం చేస్తున్నారు. ప్రభుత్వ రంగం సంస్థలను ప్రైవేటీకరించడం, ప్రైవేట్ కంపెనీలకు మేలుచేసే చర్యలు తీసుకోవడం, ప్రభుత్వ శాఖల్లో ఉద్యోగాల కల్పన లేకపోవడం, బ్యాంకింగ్ రంగంలో కష్టాలు మోదీ ఓట్‌బ్యాంక్‌పై ప్రభావం చూపుతాయనడంలో సందేహం లేదు. ఉద్యోగులకు ఉద్యోగ భద్రత లేదు. ఇవన్నీ భవిష్యత్తు ఎన్నికలపై ప్రభావం చూపిస్తాయనడంలో ఎలాంటి సందేహం లేదు. 2014 ఎన్నికల ఫలితాలు మళ్లీ వస్తాయని బీజేపీ ఆశిస్తోంది. కాని 2019 ఎన్నికలు నువ్వా-నేనా అన్న రీతిలో ఉంటాయని చెప్పకతప్పదు.
సి. ప్రభాకర్‌రెడ్డి, రాజకీయ విశే్లషకుడు
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.