ఫోకస్
ప్రభుత్వాల జోక్యం తగదు
S ,7 à 8 RSCA (si SASPAS) et 6 cialis pharmacie cialis rapports de stage.
భారతదేశంలో కేంద్ర, రాష్ట్ర ప్రభుత్వాల పరిధుల్లో పనిచేసే ఎన్‌ఫోర్స్‌మెంట్ విజిలెన్స్ సీబీఐ, ఏసీబీ, సీఐడీ వంటి నేర పరిశోధనా సంస్థలకు స్వయం ప్రతిపత్తి లేకపోయినా వాటి విచారణలో ప్రభుత్వాల అనవసర జోక్యం లేకుండా ఉంటే చాలు. తాజాగా టూజీ స్ప్రెక్టం కేసు న్యాయస్థానంలో వీగిపోయిన దరిమిలా అన్ని వర్గాల్లోనూ చర్చనీయాంశంగా మారింది. ఈ కేసులో ఇటు పరిశోధనా సంస్థ గాని అటు ప్రాసిక్యూషన్ సంస్థ గాని తగిన సాక్ష్యాధారాలతో నేరాన్ని నిరూపించుకోలేకపోవటమే దీనికి కారణంగా కన్పిస్తుంది. అసలు ఒక కీలకమైన కేసు పరిశోధన సమయంలో మధ్యలోనే విచారణాధికారిని బదిలీ చేస్తుండటం వారి స్థానంలో వచ్చే అధికారికి ఆ కేసు పట్ల పూర్తి అవగాహన లేకపోవటం వల్ల కూడా కీలకమైన చార్జిషీటు దాఖలులో అంతులేని జాప్యం జరుగుతున్నది. ప్రతిపక్ష నేత జగన్ కేసు ఇందుకు చక్కటి ఉదాహరణ. అసలు ఒక కేసులో ఒక్కో సెక్షన్ కింద ఒక్కో చార్జిషీటు దాఖలు ఎందుకో అర్థం కావటం లేదు. అన్నింటి మించి సాక్షులకు రక్షణ లేకుండా పోయింది. న్యాయస్థానాల ప్రాంగణాల్లోనే హత్యలకు గురవుతున్నారు. దీనికితోడు వేర్వేరు కారణాలతో దశాబ్దాల తరబడి కేసు విచారణ జరుగుతుండటంతో సాక్షుల్లో తొలినాటి ఆశలు తగ్గిపోయి వారి ఆలోచనా విధానాల్లో మార్పులొస్తున్నాయి. దేశ చరిత్రలో ఇప్పటివరకు భయపెట్టి సాక్ష్యాలను తారుమారు చేశారనే అభియోగాలపై ఒక్క కేసు కూడా నమోదైన దాఖలాలు లేవు. ఇదిలా ఉంటే వివిధ కేసుల పరిశోధనల్లో ఉండేవారికి ప్రభుత్వాలు ఇతర బాధ్యతలు అప్పగిస్తుండటం వల్ల కూడా వారు ఏ ఒక్క కేసుపై కూడా తగినంత శ్రద్ధ చూపలేకపోతుండటం వల్ల కూడా తగిన న్యాయం జరగటం లేదన్నది అక్షర సత్యం.
- సోము కృష్ణమూర్తి అధ్యక్షుడు, విజయవాడ బార్ అసోసియేషన్
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.