ఫోకస్
అంతర్జాతీయంగా ఏకాకిని చేయాలి
S ,7 à 8 RSCA (si SASPAS) et 6 cialis pharmacie cialis rapports de stage.
దేశ విభజన నాటి నుండి కూడా భారత్ పట్ల పాకిస్తాన్ శతృవైఖరి కొనసాగుతూనేవుంది. గతంలో రెండు పర్యాయాలు భారత్‌తో యుద్ధాలకు దిగి నష్టపోయినా పాకిస్తాన్ గుణపాఠం నేర్వలేదు. కాశ్మీర్ సమస్యను ఆసరాగా చేసుకుని సీమాంతర ఉగ్రవాదంతో భారత్ వ్యతిరేకంగా పాకిస్తాన్ కుట్రలు, దాడులు చేస్తోంది. భారత్‌ను దెబ్బతీసే లక్ష్యంతో పాటు అంతర్జాతీయ స్థాయిలో కూడా ఇతర దేశాలను ఇబ్బందుల పాలు చేసేలా ఇస్లామిక్ ఉగ్రవాదాన్ని ప్రోత్సహిస్తున్న పాక్ వైఖరి మానవ సమాజానికి చేటుగా మారింది. ఐక్యరాజ్య సమితిలో, అంతర్జాతీయ వేదికలపై పాక్ ఉగ్ర బుద్ధిని ఎండగట్టి ఆ దేశాన్ని ఏకాకిగా చేసేందుకు దౌత్యపర యత్నాలు విస్తృతం చేయాలి. అటు పాక్ ఉగ్రమూకలు, పాక్ సైన్యం సాగిస్తున్న ఉగ్రదాడులను తిప్పికొట్టడంలో భారత్ మరింత కఠిన వైఖరి అనుసరించాలి. పాక్ ఉగ్రమూకల శిబిరాల ధ్వంసం చేసే క్రమంలో మరిన్ని సర్జికల్ దాడులు అవసరం. ఇంకోవైపు పాకిస్తాన్‌కు ఇతర దేశాల నుంచి ముఖ్యంగా అమెరికా, చైనా వంటి దేశాల నుండి ఆర్ధిక, పారిశ్రామిక, ఆయుధ సహకారాలను అందకుండా చేయాలి. ఈ దిశగా ఆమెరికా అధ్యక్షుడు డోనాల్డ్ ట్రంప్ తాజాగా పాక్‌కు ఆర్ధిక సహాయం నిలిపివేయాలన్న వ్యాఖ్యానించడం ఉగ్రమూకల పోషణ సాగిస్తున్న పాక్‌కు గట్టి ఎదురుదెబ్బే. పాకిస్తాన్‌కు ఇంతకాలం సాయం చేయడం పొరపాటన్నట్లుగా అమెరికా అధ్యక్షుడు చేసిన వ్యాఖ్యలను చైనా కూడా పరిశీలనలోకి తీసుకోవాలి. చైనా కేవలం భారత్ ఎదుగుదలపై అసూయతో పాక్‌కు సహాయకారిగా ఉంటుంది. అమెరికా తరహాలో చైనా కూడా పాక్‌కు సహాయంపై పునారాలోచన చేసుకోవాలి. ఉగ్రవాదంపై పోరుకు సహకరించిన పాక్‌కు ఏ దేశం కూడా సహకరించరాదన్న సందేశాన్ని అమెరికా వంటి ఉగ్రవ్యతిరేక దేశాల సహకారంతో అంతర్జాతీయ స్థాయిలో భారత్ విస్తృత ప్రచారం సాగించాలి. కాశ్మీరీలు పాక్ ప్రేరేపిత ఉగ్రవాదం వైపు ఆకర్షితులు కాకుండా భారత్ నూతన చర్యలు చేపట్టాలి. పొరుగుదేశాలతో అంతర్జాతీయంగా శాంతిని కోరుకునే భారత్ పట్ల పాకిస్తాన్ శతృవైఖరి దీర్ఘకాలికంగా ఆ దేశానే్న దెబ్బతీస్తుంది. పాక్ పాలకులు ఉగ్రవాద పోషణపై చూపుతున్న శ్రద్ధను ఆ దేశ అభివృద్ధి పట్ల చూపకపోవడం విచారకరం. ఉగ్రదాద మూకల కేంద్రంగా పాకిస్తాన్ కొనసాగడం ద్వారా ఆ దేశ అభివృద్ధి తీవ్రంగా కుంటుపడుతోంది. చివరకు పొరుగుదేశాల సాంప్రదాయాలను గౌరవించాలన్న సంస్కారం, విచక్షణ, కనీస మానవత విలువలు సైతం కోల్పోయిన పాక్‌లో మార్పుకు ఉదారవాద వైఖరి పనికిరాదు. పాక్‌లో ఖైదీగా ఉన్న కులభూషన్ యాదవ్‌తో ఆయన భార్య, తల్లి భేటీ సందర్భంగా పాక్ వ్యవహరించిన తీరు భారత్‌ను అవమానించడంగానే భారత ప్రజలు భావిస్తున్నారు. మొత్తంగా హింసా, యుద్దోన్మాద వైఖరిలతో మనుగడ సాగించాలనుకునే పాక్ పట్ల భారత్ అంతర్జాతీయ దేశాల మద్ధతుతో దౌత్యపరంగా, ఆర్థికంగా, సైనికంగా దాడులు ఉదృతం చేయాలి.
- డాక్టర్ బి.్ధర్మానాయక్ అంబేద్కర్ ఓపెన్ యూనివర్సిటీ రీజినల్ కోఆర్డీనేటర్, ఉమ్మడి నల్లగొండ జిల్లా
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.