రాష్ట్రీయం
గాంధీ భవన్‌కు తాళం!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 22: గ్రేటర్ హైదరాబాద్ ఎన్నికల సెగలు అంతిమంగా శుక్రవారం కాంగ్రెస్ ప్రధాన కేంద్రమైన గాంధీ భవన్‌కు తాళం వేయడం వరకూ దారితీశాయి. టికెట్లు దక్కని నేతలు ఆత్మహత్యలు, ఆందోళనలు, ధర్నాలకు గాంధీ భవన్‌నే వేదికగా చేసుకోవడంతో ఈ నిర్ణయం తీసుకున్నారు. తన కుమార్తెకు టిక్కెట్ రాలేదన్న మనస్తాపంతో ఓ సీనియర్ నేత పెట్రోలు పోసుకుని ఆత్మహత్యకు ప్రయత్నించిన నేపథ్యంలో ముందు జాగ్రత్త చర్యగా ఈ నిర్ణయం తీసుకున్నారు. కాగా శుక్రవారం మల్కాజిగిరి నియోజకవర్గం, గౌతంనగర్ డివిజన్‌కు చెందిన జ్యోత్స్న యాదవ్ తన అనుచరులతో గాంధీ భవన్‌కు చేరుకోనున్నారని తెలుసుకున్న నాయకులు వెంటనే మెయిన్ గేట్‌కు తాళం వేశారు. అక్కడికి చేరుకున్న జ్యోత్స్న తన అనుచరులతో ప్రధాన గేటు వద్దే ఆందోళన కొనసాగించారు.
కేంద్ర మాజీ మంత్రి సర్వే సత్యనారాయణ దిష్టి బొమ్మను కార్యకర్తలు దగ్ధం చేశారు. సర్వే సత్యనారాయణ టిక్కెట్ ఇప్పిస్తానని తనను మోసం చేశారని, నవీన్‌కు టిక్కెట్ అమ్ముకున్నారని ఆమె ఆరోపించారు. కాగా, 30 లక్షలకు టిక్కెట్ అమ్ముకున్నారని కార్యకర్తలు ఆరోపించారు. ఘాన్సీబజార్‌కు చెందిన రేణు తన అనుచరులతో ఆందోళన చేశారు. తెలంగాణ కౌన్సిల్‌లో ప్రతిపక్ష నేత మహ్మద్ షబ్బీర్ అలీ టిక్కెట్ ఇప్పిస్తానని మోసం చేశారని ఆమె ఆరోపించారు. ఆమె వెంట వచ్చిన కార్యకర్తలు షబ్బీర్ అలీకి వ్యతిరేకంగా నినాదాలు చేశారు. లంగర్‌హౌస్ తదితర డివిజన్లలో టిక్కెట్ రాని పార్టీ కార్యకర్తలు గాంధీ భవన్‌కు చేరుకుని నినాదాలు చేశారు.
గాంధీ భవన్ ఆవరణలో ఆశావాహులు దాడి చేసినా, లేదా ఆత్మహత్యకు పాల్పడినా అనవసరమైన వివాదానికి దారి తీస్తుందని భయపడిన పార్టీ నాయకత్వం ముందు జాగ్రత్త చర్యగా ప్రధాన గేటుకు తాళం వేయించింది. ఇలా ఆందోళనలు వెల్లువెత్తుతున్నందున టిపిసిసి అధ్యక్షుడు ఉత్తమ్‌కుమార్ రెడ్డి ఇంకా అజ్ఞాతాన్ని వీడలేదు.
కృష్ణ యాదవ్ రాజీనామా
బిజెపి, తెలుగు దేశం పార్టీల్లోనూ ఇదే పరిస్థితి కొనసాగుతున్నది. టిడిపి ఉపాధ్యక్షుడు కృష్ణ యాదవ్ తన పదవికి రాజీనామా చేశారు. గ్రేటర్ ఎన్నికల్లో పార్టీ అభ్యర్థుల ఎంపికలో తనను సంప్రదించనందుకు రాజీనామా చేసినట్లు ఆయన ప్రకటించారు. టిక్కెట్లు రాని నాయకులు, కార్యకర్తలు తమ నిరసనను వ్యక్తం చేస్తున్నారు. కాగా ఈ రెండు పార్టీల నాయకులు తమ తిరుగుబాటు అభ్యర్థులకు నచ్చజెప్పే ప్రయత్నం చేస్తున్నారు. అభ్యర్థుల ఎంపికలో తనను సంప్రదించనందుకు నిరసనగా బిజెపి మాజీ ఎమ్మెల్యే ప్రేంసింగ్‌రాథోడ్ రాజీనామా గురువారం రాజీనామా చేసినట్లు ప్రకటించారు. అయితే పార్టీ నాయకత్వం జోక్యం చేసుకుని ఆయనకు నచ్చజెప్పడంతో శుక్రవారం రాజీనామా ఉపసంహరించుకున్నారు. రంగారెడ్డి జిల్లా అర్బన్ బిజెపి అధ్యక్షుడు మీసాల చంద్రయ్య గురువారం తన పదవికి రాజీనామా చేయగా, పార్టీ అధ్యక్షుడు జి. కిషన్‌రెడ్డి తిరస్కరించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.