రాష్ట్రీయం
ఇదేం పద్ధతి?
S ,7 à 8 RSCA (si SASPAS) et 6 cialis pharmacie cialis rapports de stage.
టిఆర్‌ఎస్ కార్యకర్తలపై నిర్భయ కేసు పెడతానని గీతారెడ్డి హెచ్చరిక
హైదరాబాద్, డిసెంబర్ 12: తన పట్ల దురుసుగా ప్రవర్తించి, గాయపరచిన టిఆర్‌ఎస్ కార్యకర్తలపై నిర్భయ కేసు పెడతానని, జాతీయ మానవ హక్కుల కమిషన్ (ఎన్‌హెచ్‌ఆర్‌సి)కు ఫిర్యాదు చేస్తానని టి.కాంగ్రెస్ సీనియర్ నాయకురాలు, మాజీ మంత్రి జె గీతారెడ్డి హెచ్చరించారు. జహీరాబాద్‌లో తాను ఒక సమావేశంలో పాల్గొన్నప్పుడు టిఆర్‌ఎస్ కార్యకర్తలు హంగామా సృష్టించారని, తన కాలు తొక్కారని, దురుసుగా ప్రవర్తించారని ఆమె శనివారం విలేఖరుల సమావేశంలో ఆరోపించారు. ఈ విషయాన్ని తాను అంత సులభంగా వదిలి పెట్టననన్నారు. 1969 సంవత్సరం నుంచి బంగారు తెలంగాణ సాధన కోసం అనేకమంది ప్రాణ త్యాగం చేశారని ఆమె తెలిపారు. టిఆర్‌ఎస్ అధికారం చేపట్టిన తర్వాత ప్రతిపక్ష నేతలను భయపెట్టి, ప్రలోభాలకు గురి చేసి పార్టీలో చేర్చుకోవడం భావ్యం కాదని అన్నారు. పార్టీ మారాల్సిందిగా మీకూ ఆహ్వానం వచ్చిందా?, ఎవరైనా ఫోన్ చేశారా? అని ప్రశ్నించగా, తమ పార్టీ నాయకులను టిఆర్‌ఎస్ భయభ్రాంతులకు గురి చేస్తున్నదని, ఇందులో భాగంగానే తనపట్ల దురుసుగా ప్రవర్తించారని, దీనిని బట్టి మీరే అర్థం చేసుకోవాలని ఆమె అన్నారు. 35 సంవత్సరాలుగా రాజకీయాల్లో ఉన్నానని, ఐదుగురు ముఖ్యమంత్రులతో కలిసి పని చేశానని, ఈ సమయంలో పార్టీ ఫిరాయించి తన భవిష్యత్తును, పేరును చెడగొట్టుకోనని తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.