రాష్ట్రీయం
నేడు నగరానికి గోదావరి
S ,7 à 8 RSCA (si SASPAS) et 6 cialis pharmacie cialis rapports de stage.
మధ్యాహ్నం 12 గంటలకు కుత్బుల్లాపూర్‌కు నీళ్లు
హైదరాబాద్, నవంబర్ 26: జంటనగరవాసుల దాహార్తిని తీర్చేందుకు గోదావరి జలాలు నేడు నగర ప్రవేశం చేయనున్నాయి. మధ్యాహ్నం పనె్నండు గంటల కల్లా కుత్బుల్లాపూర్‌కు గోదావరి జలాలు చేరుకుంటాయని, ఆ తర్వాత అక్కడి నుంచి వివిధ శివారు ప్రాంతాలకు సరఫరా చేసేందుకు ఏర్పాట్లు చేశామని అధికారులు చెప్పారు. ఇప్పటికే రెండురోజుల క్రితం ఘన్‌పూర్‌కు చేరుకున్న 28 ఎంజిడిల నీటిని మంజీరా మొదటి, మూడో దశ పైప్‌లైన్ వ్యవస్థతో అనుసంధానం చేసే పనులు పూర్తయ్యాక, శుక్రవారం మధ్యాహ్నం పనె్నండు గంటల తర్వాత తొలి దశగా కుత్బుల్లాపూర్‌కు గోదావరి జలాలు వచ్చే అవకాశమున్నట్లు అధికారులు తెలిపారు. ఈ పనుల కారణంగా గురువారం నగరంలోని పలు ప్రాంతాల్లో నీటి సరఫరాను నిలిపివేశారు. కుత్బుల్లాపూర్ రిజర్వాయర్‌కు చేరుకున్న జలాలను అక్కడినుంచి అల్వాల్, శేరిలింగంపల్లిలకు తరలిస్తారు. హైదరాబాద్ మహానగర తాగు నీటి అవసరాల కోసం 2007లో అప్పటి ప్రభుత్వం రూ. 3,375 కోట్లతో చేపట్టిన వౌలానా అబ్దుల్ కలాం సుజల స్రవంతి పథకం కింద ఈ జలాలను తీసుకువస్తున్న సంగతి తెలిసిందే! గోదావరి ప్రాజెక్ట్‌లో భాగంగా మొదటి విడత కింద నగరానికి రావల్సిన 48 ఎంజిడిల్లో ప్రస్తుతం 28 ఎంజిడిలను తీసుకువస్తున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.