ప్రత్యేకహోదాపై చిత్తశుద్ధి లేని టిడిపి

దిల్లీ: ఎపికి ప్రత్యేకహోదా సాధించాలన్న విషయంలో టిడిపికి చిత్తశుద్ధి లేదని, బిజెపిని ఒప్పించడంలో ఆ పార్టీ విఫలమైందని వైకాపా ఎంపీ మేకపాటి రాజమోహన్‌రెడ్డి అన్నారు. ప్రత్యేక హోదా కోసం కాంగ్రెస్ ఎంపీ కెవిపి ప్రతిపాదించిన బిల్లుకు తమ పార్టీ మద్దతు ఇస్తోందని, ఈ విషయంలో ఎలాంటి పోరాటాలకైనా తాము సిద్ధమేనన్నారు. రాష్ట్ర విభజన సమయంలో ఎపికి ప్రత్యేక హోదా పదేళ్లపాటు ఇవ్వాలన్న బిజెపి నేతలు నేడు వౌనం వహించడం దారుణమన్నారు. ప్రత్యేకహోదా కోసం తమ పార్టీ అధినేత జగన్ దిల్లీలో నిరాహారదీక్ష చేశారని ఆయన గుర్తుచేశారు.