అవిసెగింజలతో లాభాలు

అవిసె గింజలలో కొలెస్ట్రాల్ తగ్గించే లక్షణాలు ఎక్కువగా ఉన్నాయి. ఇవి శరీరంలో వేడిని పుట్టిస్తాయి. ఈ గింజలు కొలెస్ట్రాల్‌ని, రక్తపోటుని, మధుమేహాన్ని అదుపులో ఉంచుతాయి. వీటిని ప్రతిరోజూ ఉదయం పూట తీసుకుంటే శారీరక అలసట తగ్గుతుంది. శక్తి లభిస్తుంది. శరీరం చురుగ్గా ఉంటుంది.
* ఊబకాయం కొందరికి జన్యుపరంగా వస్తే మరికొంతమందికి వారి జీవనవిధానం, ఆహారపు అలవాట్ల వల్ల వస్తుంది. తినే ఆహారంపై ముందు నుంచీ శ్రద్ధ పెడితే దీన్ని నివారించవచ్చు. అవిసె గింజల్లో యాంటీ ఆక్సిడెంట్లు అధికంగా ఉంటాయి. వీటిల్లో ప్రొటీన్లు కూడా అధికంగా ఉంటాయి. ప్రొటీన్లు శరీర బరువు తగ్గుదలలో విశేషంగా తోడ్పడతాయి.
* మహిళలు రోజూ అవిసె గింజలను తింటే వారిలో హార్మోన్లు సరిగ్గా విడుదల అవుతాయి. దీంతో రుతుక్రమం సరిగ్గా ఉంటుంది.
* వీటిల్లో ఫైబర్ ఎక్కువగా ఉంటుంది. దాంతో తినే ఆహారం జీర్ణం కావడానికి ఎక్కువ సమయం పడుతుంది. తద్వారా జీర్ణవ్యవస్థ మెరుగుపడుతుంది.
* అవిసె గింజల్లో ఉండే యాంటీ ఇన్‌ఫ్లమేటరీ గుణాలు మోకాళ్ల నొప్పులు రాకుండా చేస్తాయి.
* అవిసె గింజల్లో పీచు ఎక్కువగా ఉండడం వల్ల నేరుగా తింటే సరిగా జీర్ణం కాదు.. అందుకే వీటిని సూప్, సలాడ్‌ల రూపంలో భోజనంతో పాటుగా తీసుకోవాలి.
* ఇవి తినడం వల్ల జ్ఞాపకశక్తి కూడా పెరుగుతుంది. మెదడు చురుగ్గా పనిచేస్తుంది. డిప్రెషన్ దూరమవుతుంది. మానసిక ప్రశాంతత లభిస్తుంది.