రాష్ట్రీయం
జనవరి నుంచి యాదాద్రి పనులు ముమ్మరం
S ,7 à 8 RSCA (si SASPAS) et 6 cialis pharmacie cialis rapports de stage.
వేములవాడ ఆలయ అభివృద్ధికి ప్రత్యేక అథారిటీ
సమీక్షలో దేవాదాయ మంత్రి ఇంద్రకరణ్‌రెడ్డి
హైదరాబాద్, డిసెంబర్ 17: యాదగిరిగుట్ట అభివృద్ధి పనులు జనవరి నుంచి ఊపందుకుంటాయని దేవాదాయ శాఖ మంత్రి ఎన్ ఇంద్రకరణ్‌రెడ్డి తెలిపారు. తెలంగాణలో ప్రసిద్ధ పుణ్యక్షేత్రాలు యాదగిరిగుట్ట, వేములవాడ ఆలయాల అభివృద్ధిని వచ్చే మూడేళ్లలో పూర్తిచేసే విధంగా ప్రణాళికలు రూపొందించినట్టు ఆయన చెప్పారు. యాదగిరిగుట్ట, వేముల వాడ ఆలయాల అభివృద్ధిపై మంత్రి ఇంద్రకరణ్‌రెడ్డి సచివాలయంలో గురువారం సమీక్ష జరిపారు. యాదగిరిగుట్ట టెంపుల్ డెవలప్‌మెంట్ అథారిటీ ఆధ్వర్యంలో టెక్నికల్ కమిటీ పర్యవేక్షణలో అన్ని పనులు జరుగుతున్నాయని తెలిపారు. ప్రస్తుతానికి సాయిల్ టెస్ట్‌లు జరుగుతున్నాయని, అది పూర్తయిన వెంటనే అన్ని పనులకు టెండర్లు ఆహ్వానించనున్నట్టు చెప్పారు. యాదగిరిగుట్ట, వేములవాడ ఆలయాల అభివృద్ధి పనులపై అధికారులతో దేవాదాయ శాఖ మంత్రి ఇంద్రకరణ్‌రెడ్డి సమీక్షించారు. ప్రభుత్వ సలహాదారు కెవి రమణాచారి, దేవాదాయ శాఖ కార్యదర్శి శివశంకర్, యాదగిరిగుట్ట ఆలయ డెవలప్‌మెంట్ అథారిటీ వైస్ చైర్మన్ కిషన్‌రావు, వేములవాడ ఎమ్మెల్యే రమేష్‌తో పాటు ఇతర అధికారులు హాజరయ్యారు. యాదగిరిగుట్టలో శిల్పకళాశాల ఏర్పాటు చేసే యోచనలో ప్రభుత్వం ఉన్నట్టు తెలిపారు. యాదగిరిగుట్ట లక్ష్మీనరసింహస్వామి ఆలయానికి భక్తులు పోటెత్తుతున్నారని, దానికి తగ్గట్టుగా దేవాదాయ శాఖ అన్ని సౌకర్యాలు కల్పిస్తుందని తెలిపారు. వేములవాడ టెంపుల్ డెవలప్‌మెంట్ అథారిటీ త్వరలో ఏర్పాటు కానుందని తెలిపారు. వైటిడిఏ తరహాలోనే దానికి వైస్ చైర్మన్‌ను నియమించనున్నట్టు ఇంద్రకరణ్‌రెడ్డి తెలిపారు. వేములవాడ ఆలయ రెండవ ప్రాకార నిర్మాణంపై శృంగేరి పీఠాధిపతి సలహాలు తీసుకోనున్నట్టు చెప్పారు. త్వరలోనే ప్రభుత్వ సలహాదారు రమణాచారి ఆధ్వర్యంలో ఒక బృందం శృంగేరి పీఠానికి వెళ్లనుందని తెలిపారు. వేములవాడ ఆలయ విస్తరణకు భూసేకరణపై దేవాదాయ శాఖ ప్రభుత్వానికి నివేదిక పంపిందని తెలిపారు. సచివాలయంలో దేవాదాయ శాఖ మంత్రి ఇంద్రకరణ్‌రెడ్డి వేములవాడ ఆలయ క్యాలెండర్‌ను ఆవిష్కరించారు. కార్యక్రమంలో ప్రభుత్వ సలహాదారు రమణాచారి, దేవాదాయ శాఖ కార్యదర్శి శివశంకర్, వేములవాడ ఎగ్జిక్యూటివ్ అధికారి రాజేశ్వర్‌లు పాల్గొన్నారు.
సమ్మక్క- సారక్క జాతర ఏర్పాట్లు
ఆసియాలో పెద్దదైన గిరిజన జాతర సమ్మక్క- సారక్క జాతరకు చురుగ్గా ఏర్పాట్లు కొనసాగుతున్నాయని మంత్రి ఇంద్రకరణ్‌రెడ్డి తెలిపారు. గోదావరి పుష్కరాలను విజయవంతంగా నిర్వహించిన స్ఫూర్తితో మేడారం జాతరను బ్రహ్మాండంగా నిర్వహించాలని ముఖ్యమంత్రి ఆదేశించినట్టు మంత్రి తెలిపారు. జనవరిలో మేడారం జాతర పనులను క్షేత్ర స్థాయిలో పరిశీలించనున్నట్టు ఇంద్రకరణ్‌రెడ్డి తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.