అంతర్జాతీయం
మా ప్రతిపాదనలకు చోటు దక్కలేదు
S ,7 à 8 RSCA (si SASPAS) et 6 cialis pharmacie cialis rapports de stage.
వాతావరణ మార్పుల ఒప్పందం ముసాయిదాపై భారత్ అసంతృప్తి
పారిస్, డిసెంబర్ 10: వాతావరణ మార్పులను అదుపులో ఉంచడానికి కుదుర్చుకోనున్న ఒప్పందం ముసాయిదాలో తాను ప్రతిపాదించిన అనేక అంశాలకు చోటు దక్కలేదని భారత్ గురువారం ఆవేదన వ్యక్తం చేసింది. తుదకు కుదిరే ఒప్పందానికి ఈ ముసాయిదాయే కీలకం. పారిస్‌లో కొనసాగుతున్న వాతావరణ మార్పుల శిఖరాగ్ర సదస్సు శుక్రవారం ముగుస్తుండటంతో చర్చలలో పాల్గొంటున్న వివిధ దేశాల ప్రతినిధులు ఒప్పందాన్ని కుదుర్చుకోవడానికి కాలంతో పాటు పరుగులు తీస్తున్నారు. పారిశ్రామిక విప్లవానికి ముందున్న 1.5 డిగ్రీల సెల్సియస్ భూతాపం స్థాయికి ప్రస్తుతం ఉన్న హెచ్చు భూతాపాన్ని తగ్గించడానికి అభివృద్ధి చెందిన దేశాలు తమ కర్బన ఉద్గారాలను పెద్ద మొత్తంలో తగ్గించుకోవడంతో పాటు అభివృద్ధి చెందుతున్న దేశాలకు భారీగా ఆర్థిక సహాయం చేయాల్సి ఉంటుందని భారత్ స్పష్టం చేసింది. ఇంటెండెడ్ నేషనల్లీ డిటర్‌మైన్డ్ కంట్రిబ్యూషన్స్ (ఐఎన్‌డిసిలు) అనే భావన ఎంతో సృజనాత్మకమైనదని పేర్కొంటూ ముసాయిదాలో వీటిని కనీసం ప్రస్తావించకపోవడం విచారకరమని భారత పర్యావరణ మంత్రి ప్రకాశ్ జావడేకర్ అన్నారు. రెండు రోజుల పాటు జరిగిన ఉన్నత స్థాయి మంత్రుల స్థాయి చర్చల అనంతరం రూపొందించిన ముసాయిదాను బుధవారం ఫ్రాన్స్ విదేశాంగ మంత్రి లౌరెంట్ ఫాబియస్ బుధవారం సదస్సులో విడుదల చేశారు. 43 పుటల నుంచి 29 పుటలకు తగ్గిన ఈ ముసాయిదా పత్రాన్ని చర్చలలో పాల్గొంటున్న అన్ని దేశాలకు అందజేశారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.