అంతర్జాతీయం
నేతాజీ మృతి చెందారని నిర్ధారించిన యుపిఎ సర్కారు?
S ,7 à 8 RSCA (si SASPAS) et 6 cialis pharmacie cialis rapports de stage.
లండన్, మే 18: భారత స్వాతంత్య్ర సమరయోధుడు, ఆజాద్ హింద్ ఫౌజ్ వ్యవస్థాపకుడు నేతాజీ సుభాశ్ చంద్రబోస్ అదృశ్యంపై జస్టిస్ మనోజ్ ముఖర్జీ నేతృత్వంలోని విచారణ సంఘం ఇచ్చిన నివేదికలోని అంశాలు వాస్తవం కాదని 2006లో అప్పటి యుపిఎ ప్రభుత్వం తోసిపుచ్చిందని బ్రిటన్‌కు చెందిన ఒక వెబ్‌సైట్ బుధవారం వెల్లడించింది. 1945 ఆగస్టు 18న తైపేయిలో జరిగిన విమాన ప్రమాదంలో నేతాజీ సుభాశ్ చంద్రబోస్ చనిపోయి ఉండకపోవచ్చని ముఖర్జీ కమిషన్ పేర్కొన్నది వాస్తవం కాదని యుపిఎ ప్రభుత్వం తిరస్కరించినట్లు ప్రభుత్వ అంతర్గత రహస్య లేఖ ధ్రువీకరించిందని బోస్‌ఫైల్స్.ఇన్‌ఫో వెల్లడించింది. జస్టిస్ ముఖర్జీ కమిషన్ నివేదికపై కేంద్ర హోంమంత్రిత్వ శాఖ సమర్పించిన చర్యల నివేదిక (యాక్షన్ టేకెన్ రిపోర్ట్)ను మన్మోహన్ సింగ్ నేతృత్వంలోని ప్రభుత్వ కేబినెట్ 2006 మే 9న జరిగిన సమావేశంలో ఆమోదించిందని బ్రిటన్ వెబ్‌సైట్ వివరించింది. ఈ కేబినెట్ సమావేశంలో తీసుకున్న నిర్ణయాన్ని అప్పటి కేబినెట్ సెక్రెటేరియట్‌లోని అదనపు కార్యదర్శి విజయ్ శర్మ 2006 మే 11న అప్పటి హోంశాఖ కార్యదర్శి వికె దుగ్గల్‌కు రాసిన లేఖలో తెలియజేశారని వెబ్‌సైట్ తెలిపింది.
నరేంద్ర మోదీ ప్రభుత్వం 2016 మార్చిలో బహిర్గతం చేసిన రహస్య పత్రాలలో ఈ లేఖ ఉందని వివరించింది. ఈ లేఖ ప్రస్తుతం నేషనల్ ఆర్చైవ్‌లో ప్రజలకు అందుబాటులో ఉంది. ముఖ్యంగా విమాన ప్రమాదంలో నేతాజీ మృతి చెందలేదని, టోక్యోలోని రెంకోజీ దేవాలయంలో ఉన్న అస్థికలు నేతాజీవి కావని ముఖర్జీ కమిషన్ పేర్కొన్న అంశాలు వాస్తవం కాదని యుపిఎ ప్రభుత్వం తోసిపుచ్చిందని బ్రిటన్ వెబ్‌సైట్ వివరించింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.