అంతర్జాతీయం
అమెరికాను దివాలా తీయిస్తాడు
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, మే 24: అమెరికా అధ్యక్షుడిగా డొనాల్డ్ ట్రంప్ ఎన్నికైతే తన రియల్ ఎస్టేట్ కంపెనీల్లాగానే దేశాన్ని కూడా దివాలా తీయిస్తాడని ఆయన ప్రత్యర్థి డెమొక్రాట్ల తరపున అభ్యర్థిగా ఎంపికయ్యేందుకు దూసుకుపోతున్న హిల్లరీ క్లింటన్ వ్యాఖ్యానించారు. రిపబ్లికన్ నామినీ అయిన ట్రంప్ ఆర్థిక విధానం తక్కువ వేతనాలు.. తక్కువ ఉద్యోగాలు, ఎక్కువ అప్పులు కలిసిన ఓ వంటకం అని ఆమె వ్యాఖ్యానించారు. ‘‘ఎవరైనా కాసినోలో ఎందుకు ఓడిపోతారు.. మిమ్మల్ని మీరు ప్రశ్నించుకోండి. నేను ప్రతిరోజూ వింటున్నాను.. అమెరికాలో నివసిస్తున్న లక్షలాది ఇమ్మిగ్రెంట్లు.. వారి కుటుంబాలు డొనాల్డ్ ట్రంప్ అధ్యక్షుడైతే తమ పరిస్థితి ఏమిటని ఆందోళన చెందుతున్నారు’’ అని ఆమె అన్నరు. డెట్రాయిట్‌లో సోమవారం జరిగిన సర్వీసు ఉద్యోగుల సంఘం అంతర్జాతీయ సదస్సులో క్లింటన్ ప్రసంగించారు. తాను అధికారంలోకి వస్తే వంద రోజుల్లోగా ఒక సమగ్రమైన ఇమ్మిగ్రేషన్ విధానాన్ని తీసుకువస్తానని.. కుటుంబాలను ఒకటిగా ఉంచేందుకు అధ్యక్షుడు బరాక్ ఒబామా తీసుకువచ్చిన ఎగ్జిక్యూటివ్ ఆర్డర్ బాటలో ఈ విధానాన్ని పటిష్టంగా రూపొందిస్తానని హిల్లరీ వివరించారు. డొనాల్డ్ ట్రంప్ అధికారంలోకి వస్తే కోటీ పదిలక్షల మంది ఇమ్మిగ్రెంట్లను వెనక్కి పంపిస్తారని ఆమె చెప్పారు. ‘కష్టపడి పనిచేసే అమెరికన్ కుటుంబాలతోపాటు.. కష్టపడి పనిచేసే వలస కుటుంబాల సంక్షేమంకోసం కూడా మనం నిలబడాలి’’ అని ఆమె అన్నారు.
తల్లులు, తండ్రులు.. వారి పిల్లల భవిష్యత్తుకోసం ఆలోచించాలి’’ అని హిల్లరీ అన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.