అంతర్జాతీయం
అమ్మకానికి అమెరికా పట్టణం!... రేటు 8 మిలియన్ డాలర్లే
S ,7 à 8 RSCA (si SASPAS) et 6 cialis pharmacie cialis rapports de stage.
లాస్ ఎంజెలెస్, మే 29: అమెరికాలో ఓ పట్టణం కారు చౌకగా అమ్మకానికి వచ్చింది. కేవలం 8 మిలియన్ డాలర్లు చెల్లిస్తే ఈ పట్టణాన్ని సొంతం చేసుకోవచ్చు! ఓ పది యూనిట్ల హోటల్, కమ్యూనిటీ సెంటర్, కాసినో, జనరల్ స్టోర్, ఓ అగ్ని మాపక కేంద్రంతో 375 మంది ప్రజలతో ఈ పట్టణాన్ని 520 ఎకరాల్లో నిర్మించారు. లాస్ వేగాస్‌కు దక్షిణంగా 130 కిలోమీటర్ల దూరంలో కాల్ నెవ్ అరీ అనే ఈ పట్టణం ఉంది. కాలిఫోర్నియా, నెవాడ, అరిజోనాల మధ్య ఉండటం వల్ల వాటి మొదటి అక్షరాలతో దీనికి నాన్సీ కిడ్‌వెల్ దంపతులు నామకరణం చేశారు. ఓ పట్టణానికి ఎన్ని హంగులున్నాయో అన్ని హంగులూ ఉన్న ఈ పట్టణాన్ని కేవలం 8 మిలియన్ డాలర్లకే అమ్మేస్తున్నారని సిబిఎస్ న్యూస్ తెలిపింది. 1960 దశకంలో కిడ్‌వెల్ దంపతులకు 640 ఎకరాల స్థలాన్ని అప్పటి ఫెడరల్ ప్రభుత్వం ఉచితంగా ఇచ్చింది. రెండో ప్రపంచ యుద్ధంతో చిద్రమైన ఓ ఎయిర్ స్ట్రిప్ కూడా వీరి సొంతమైంది. ఈ నిస్సారమైన భూమి కిడ్‌వెల్ దంపతుల కృషి ఫలితంగా ఓ సుందర పట్టణంగా రూపొందింది. ఇక్కడ ఉంటున్న వారికి అన్ని రకాల సౌకర్యాలను కిడ్‌వెల్ కల్పిస్తున్నారు. గత 51 సంవత్సరాల్లో ఇక్కడే ఆమె మాటే వేదంగా సాగింది. ప్రతి రోజూ వాటర్ ట్యాంక్‌ను పరిశీలిస్తానని, ఎవరికీ నీటి కొరత లేకుండా చేస్తానని ఆమె తెలిపారు. అలాగే కాసినోలకూ వెళతాననీ వెల్లడించారు. మిగతావారి పట్ల తనకు నమ్మకం లేకపోవడం వల్ల ఇక్కడి ప్రజల అవసరాలను తీర్చేందుకు అన్నీ తానే అయి చూసుకుంటానని చెప్పారు. ఇప్పుడు తనకు ఎవరూ లేరని.. 78సంవత్సరాలు వచ్చేయడంతో అన్ని పనులూ తానే చేయలేక పోతున్నానని కిడ్ వెల్ తెలిపారు. పెరిగే వయసే తప్ప తరిగే వయసు కాదు కాబట్టే ఈ పట్టణాన్ని అమ్మేస్తున్నానన్నారు. అలాగే తన లాగ ఈ పట్టణాన్ని కాపాడుకుండూ, ఇక్కడి ప్రజల అవసరాలు తేర్చేందుకు ఎవరూ లేకపోవడం కూడా దీన్ని అమ్మేయాలన్న నిర్ణయానికి కారణమన్నారు. ఇప్పటివరకూ ఈ పట్టణాన్ని కొనేందుకు ముగ్గురు మాత్రమే ఆసక్తి కనబరిచారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.