అంతర్జాతీయం
ఉగ్రవాదులకు ఆశ్రయం ఇవ్వొద్దు
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, డిసెంబర్ 9: అఫ్గానిస్తాన్‌లో ఉగ్రవాదం బలోపేతం కావడంతోపాటు దాని పరిధి కూడా విస్తరించిందని భారత్ బుధవారం ఆందోళన వ్యక్తం చేసింది. ఉగ్రవాద శక్తులకు ఏ రూపంలోనూ, ఏ పేరుతోనూ, ఏ దేశంలోనూ ఆశ్రయం లభించకుండా చూడాలని అంతర్జాతీయ సమాజాన్ని కోరింది. భారత విదేశీ వ్యవహారాల మంత్రి సుష్మా స్వరాజ్ అఫ్గానిస్తాన్‌పై మినిస్టీరియల్ కాన్ఫరెన్స్ ‘హార్ట్ ఆఫ్ ఆసియా’లో మాట్లాడుతూ అఫ్గానిస్తాన్ సమైక్యత, భద్రతను కాపాడడానికి అంతర్జాతీయ సమాజం నిరంతరాయంగా మద్దతును కొనసాగించాల్సిన అవసరం ఉందని అన్నారు. అఫ్గానిస్తాన్ తన రక్షణ సామర్థ్యాన్ని మెరుగు పరచుకునేందుకు భారత్ తన వంతు పాత్రగా ఆ దేశ ప్రభుత్వంతో కలిసి పనిచేయడానికి సిద్ధంగా ఉందని ఆమె పేర్కొన్నారు. అఫ్గానిస్తాన్ భూభాగాన్ని ఆక్రమించుకొని తమ నియంత్రణలో ఉంచుకోవడానికి ఉగ్రవాదులు ఐక్యంగా ప్రయత్నించారని పేర్కొంటూ వారు ఇప్పటికీ మారలేదని గుర్తుచేశారు. ‘ఉగ్రవాద, తీవ్రవాద శక్తులు ఏ రూపంలోనూ, ఏ పేరుతోనూ ఆశ్రయం పొందకుండా చూడాల్సిన ఉమ్మడి బాధ్యత మనందరిపైనా ఉంది. ఈ విషయంలో అఫ్గానిస్తాన్‌కు సమీపంలో ఉన్న దేశంగా మాపై ప్రత్యేక బాధ్యత ఉంది’ అని సుష్మా స్వరాజ్ అన్నారు. ఉగ్రవాద శక్తులను వీరోచితంగా ఎదుర్కొంటున్న అఫ్గాన్ భద్రతా బలగాలను, దేశ ప్రజలను ఆమె ప్రశంసించారు. ‘ఉగ్రవాద, తీవ్రవాద శక్తులను ఎంతో వీరోచితంగా ఎదుర్కొంటున్న అఫ్గాన్ జాతీయ భద్రతా బలగాలకు, అఫ్గాన్ ప్రజలకు మేము సెల్యూట్ చేస్తున్నాం’ అని ఆమె వ్యాఖ్యానించారు. ‘గత కొన్ని నెలల్లో అఫ్గానిస్తాన్‌లో ఉగ్రవాదం బలపడటంతోపాటు వ్యాప్తి చెందింది’ అని ఆమె పేర్కొన్నారు. ‘అఫ్గానిస్తాన్‌లో శాంతిని నెలకొల్పడానికి ఉగ్రవాదాన్ని, తీవ్రవాదాన్ని నిర్మూలించడం, అంతర్జాతీయంగా ఆమోదం పొందిన నిబంధనలకు కట్టుబడి ఉండటం తప్పనిసరి’ అని అన్నారు.
అఫ్గాన్ అధ్యక్షుడితో సుష్మ భేటీ
అఫ్గాన్ అధ్యక్షుడు అష్రాఫ్ ఘనీతో సుష్మా స్వరాజ్ బుధవారం ఇక్కడ భేటీ అయ్యారు. అఫ్గానిస్తాన్‌కు పొంచి ఉన్న ఉగ్రవాద ముప్పు, దేశంలో శాంతి, సామరస్య పరిస్థితులను తిరిగి నెలకొల్పడం గురించి ఈ ఇద్దరు నేతలు చర్చించారు. భారత విదేశాంగ కార్యదర్శి ఎస్.జైశంకర్, పాకిస్తాన్, అఫ్గానిస్తాన్‌లలోని భారత దౌత్యవేత్తలు ఆమెతో పాటు చర్చల్లో పాల్గొన్నారు. ‘హార్ట్ ఆఫ్ ఆసియా’ సదస్సులో పాల్గొనేందుకు వచ్చిన ఈ ఇద్దరు నేతలు విడిగా సుమారు అరగంట సేపు చర్చలు జరిపారు. అఫ్గానిస్తాన్-పాకిస్తాన్ ట్రేడ్ అండ్ ట్రాన్సిట్ అగ్రీమెంట్‌లో చేరడానికి భారత్ సంసిద్ధత అంశం కూడా వీరి చర్చల్లో ప్రస్తావనకు వచ్చింది. కిర్‌గిజ్‌స్తాన్ విదేశాంగ మంత్రి ఎర్లాన్ అబ్డిల్‌డేవ్, ఇరాన్ విదేశాంగ మంత్రి జావెద్ జరిఫ్‌తో కూడా సుష్మా స్వరాజ్ విడివిడిగా భేటీ అయి ద్వైపాక్షిక అంశాలపై చర్చలు జరిపారు.
ఇస్లామాబాద్‌లో బుధవారం పాకిస్తాన్ ప్రధాన మంత్రి నవాజ్ షరీఫ్‌ను కలుసుకున్న విదేశాంగ శాఖ మంత్రి సుష్మా స్వరాజ్
Related Articles
రోమ్: కరోనా వైరస్ ఇటలీ ప్రజలు ను ఇంటికే పరిమితం చేసింది. ఖాళీ రోడ్లు, మూసేసిన దుకాణాలు, భయానక నిర్మానుష్యం, నిశ్శబ్దం ఇటలీని అలుముకున్నాయి. దేశంలో ఈ వైరస్ వ్యాప్తి అత్యంత తీవ్రంగా ఉండడంతో ఇటలీ ప్రభుత్వం తీవ్ర చర్యలను చేపట్టింది.
ఇస్లామాబాద్: భారత్‌లో కరోనా లక్షణాలతో బాధపడుతున్న వ్యక్తి మృతిచెందాడు. లాహోర్‌లోని మయో ఆసుపత్రిలో చికిత్స పొందుతున్న కరోనా బాధితుడు మృతిచెందినట్లు పంజాబ్ ఆరోగ్య శాఖ సెక్రటరీ కైసర్ షరీఫ్ వెల్లడించారు. మృతుడు ఇరాన్ వెళ్లి వచ్చినట్లు తెలిసింది.
న్యూఢిల్లీ: ఉక్రెయిన్ విమానం కూల్చివేత ఘటనపై సమగ్ర విచారణ జరిపి, బాధిత కుటుంబాలకు పరిహారం అందజేయాలని ఉక్రెయిన్ అధ్యక్షుడు వోల్‌డిమా జెలన్‌స్కీ డిమాండ్ చేశారు. దోషులను అంతర్జాతీయ కోర్టు ముందు ప్రవేశపెట్టాలని ఆయన ట్వీట్ చేశారు.
మస్కట్: గత కొంత కాలంగా అనారోగ్యంతో బాధపడుతున్న ఒమన్ సుల్తాన్ ఖబుస్ బిన్ సయ్యద్ అల్ సయ్యద్ కన్నుమూశారు. ఆయన వయసు 79 సంవత్సరాలు. దాదాపు 29 సంవత్సరాల వయసులో ఆయన రాజ్యాధికారాన్ని చేపట్టారు. ఆయన బ్రహ్మచారి. తన తరువాత వారసుడిగా ఆయన ఎవ్వరినీ ప్రకటించలేదు.
న్యూఢిల్లీ: ఇరాక్‌లో ఉన్న అమెరికా సైనిక బలగాలు దేశం విడిచి వెళ్లిపోవాలని ఇరాన్ సుప్రీం నేత అయతుల్లా అలీ ఖమేనీ తెలిపారు. ఆయన ఈరోజు అమెరికా సైనిక స్థావరాలపై ఇరాక్ క్షిపణి దాడి జరిగిన అనంతరం జాతినుద్దేశించి మాట్లాడుతూ మధ్యప్రాశ్చ్యంలో అమెరికా సైనిక దళాలు అవినీతికి మూలంగా మారాయని అన్నారు.