అంతర్జాతీయం
కామెరాన్ వారసుడు జాన్సన్?
S ,7 à 8 RSCA (si SASPAS) et 6 cialis pharmacie cialis rapports de stage.
లండన్, జూన్ 28:ఐరోపా యూనియన్ నుంచి నిష్క్రమించిన నేపథ్యంలో ప్రధాని కామెరాన్ స్థానే ఎవరికి బ్రిటీష్ సారథ్యం అప్పగించాలన్న దానిపై తీవ్రస్థాయిలోనే అధికార కన్సర్వేటివ్ పార్టీలో చర్చోపచర్చలు జరుగుతున్నాయి. బ్రిటీష్ ప్రధాని పదవికి గట్టిగా పోటీ పడుతున్న వారిలో లండన్ మాజీ మేయర్ బోరిస్ జాన్సన్ పేరు ప్రధానంగా వినిపిస్తోంది. ఇందుకు సంబంధించిన ప్రక్రియ బుధవారం మొదలై గురువారమే ముగుస్తుంది. సెప్టెంబర్ 9న పార్టీ కొత్త నాయకుడ్ని ప్రకటిస్తామని కన్సర్వేటివ్ నాయకత్వం ప్రకటించడంతో కామెరాన్ వారసుడి ఎంపిక ప్రక్రియ ముమ్మరమైంది. 52 సంవత్సరాల జాన్సన్ బ్రెగ్జిట్ శిబిరానికి నేతృత్వం వహించారు. ఈ విషయంలో తన గురువు కామెరూన్‌కు వ్యతిరేకంగానే తీవ్రస్థాయిలో ప్రచారమూ సాగించారు. ఆ విధంగా బ్రిటన్ మెజార్టీ ప్రజల ఆదరణను చూరగొన్నారు. కాగా, ప్రధాని పదవికి పోటీపడుతున్న ఇతరుల్లో సుదీర్ఘ కాలంగా హోం మంత్రిగా కొనసాగుతున్న థెరీసా మే, యుకె ఆరోగ్య మంత్రి జెరెమి హంట్ కూడా ఉన్నారు. జాన్సన్ పేరు గట్టిగానే వినిపిస్తున్నా తాజాగా జరిగిన సర్వేలో మాత్రం అంతిమంగా ప్రధాని పదవి ధెనీసా మేను వరించినా ఆశ్చర్య పోవాల్సిన అవసరం లేదని తెలుస్తోంది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.