అంతర్జాతీయం
సౌదీలో పేలుళ్లు
S ,7 à 8 RSCA (si SASPAS) et 6 cialis pharmacie cialis rapports de stage.
రియాద్, జూలై 4: సౌదీ అరేబియా పట్టణాలైన మదీనా, ఖాటిఫ్, జెద్దాలు సోమవారం రాత్రి పొద్దుపోయిన తరువాత బాంబు పేలుళ్లతో దద్దరిల్లాయి. రంజాన్ ఉపవాస నెల చివరి రోజున ఈ దాడులు జరగటం తీవ్రస్థాయిలో ఆందోళనకు దారితీసింది. ఈ సంఘటనల్లో పలువురు మరణించినట్లు కథనాలు వెలువడుతున్నాయి. రాత్రి ఏడు గంటల ప్రాంతంలో జరిగిన ఈ పేలుళ్లలో ఆయా మసీదుల వద్ద హాహాకారాలు మిన్నంటాయి. ఒక్కసారిగా మంటలు చెలరేగడంతో ఆ ప్రాంతం అంతా దట్టమైన పొగలు కమ్ముకున్నాయని సాక్ష్యులు తెలిపారు. మొత్తం మూడు విస్ఫోటనాల శబ్దాలు తమకు వినిపించినట్లుగా వెల్లడించారు. మొదట్లో ఒక ప్రమాద కారణంగానే ఇది జరిగిందని భావించినప్పటికీ, అనంతరం ఆత్మాహుతి బాంబర్ దాడిగా అధికారులు ధ్రువీకరించారు. మృతుల సంఖ్యపై భిన్న కథనాలు వెలువడుతున్నాయి. ఆత్మాహుతి దళాలే ఈ ఘాతుకాలకు పాల్పడినట్లుగా ప్రాథమిక సమాచారాన్ని బట్టి స్పష్టమవుతోంది. ఖాటిఫ్‌లో జరిగిన దాడిలో ఆత్మాహుతి బాంబర్‌ను తాను స్వయంగా చూసినట్లుగా ఓ సాక్షి వెల్లడించాడు. మసీదు సమీపంలో తన కళ్లముందే ఆ బాంబర్ పేలిపోయినట్లుగా పోలీసులకు తెలిపాడు. అమెరికా కాన్సులేట్ సమీపంలో సోమవారం పేలుడు జరిగిన కొన్ని గంటల వ్యవధిలోనే ఈ వరుస ఆత్మాహుతి దాడులు జరగటం గమనార్హం. అయితే ఈ బాంబర్ సౌదీ కాదని, సౌదీలో ఉంటున్న ఓ విదేశీయుడేనని దేశీయ మంత్రిత్వ శాఖ ప్రతినిధి మన్సూర్ అల్ టుర్కీ తెలిపారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.