అంతర్జాతీయం
మరిన్ని దాడులు చేస్తాం
S ,7 à 8 RSCA (si SASPAS) et 6 cialis pharmacie cialis rapports de stage.
ఢాకా, జూలై 6: ప్రపంచ వ్యాప్తంగా షరియా చట్టాన్ని అమలుచేసే వరకూ దాడులు జరుపుతూనే ఉంటామని, బంగ్లాదేశ్‌లో ఇటీవల తాము జరిపిన ఊచకోత నమూనా మాత్రమేనని ఐసిస్ ఉగ్రవాద సంస్థ హెచ్చరించింది. బంగ్లాలోనే కాకుండా ప్రపంచ వ్యాప్తంగా ఇంతకుమించిన తీవ్రతతోనే భయానక దాడులు జరుపుతామని ఓ వీడియో సందేశంలో పేర్కొంది. గత వారం జరిగిన ఊచకోత ఘటన నుంచి బంగ్లాదేశ్ ఇంకా తేరుకోకుండానే మళ్లీ దాడులు జరుపుతామంటూ ఐసిస్ హెచ్చరించడం కలకలం రేపుతోంది. సిరియాలోని రక్కా ప్రాంతంనుంచి ఈ వీడియో సందేశం జారీ అయినట్టుగా తెలుస్తోంది. పైగా ఇది బంగ్లా భాషలో ఉండడం, ఈ ప్రాంతంలోనూ ఐసిస్ వేళ్లూనుకుంటుందన్న వాదనకు అద్దం పడుతోంది. తాజాగా బుధవారం తెల్లవారుజామున యూట్యూబ్ ద్వారా వీడియోను విడుదల చేశారు. సామాజిక మీడియాలో ఈ వీడియో హెచ్చరికకు విస్తృతమైన ప్రచారం లభించింది. ‘ఇటీవల ఢాకాలో జరిపిన దాడి ఓ నమూనా మాత్రమే. ఇంకా చాలా తీవ్రస్థాయిలోనే దాడులకు సమాయత్తం అవుతున్నాం’ అని తెలిపింది. ఈ వీడియో కనిపించిన ఓ వ్యక్తి ముఖానికి ముసుగు ధరించి ఉన్నాడు. మరొక ఇద్దరు గడ్డంతో ఉన్నారని తెలుస్తోంది. ఈ వీడియోలో కనిపించిన ముగ్గురూ బంగ్లాదేశీయులే అయినప్పటికీ వారికి గుర్తించడానికి ఎలాంటి ఆస్కారం లేకపోయిందని అధికారులు వెల్లడించారు. ప్రపంచ వ్యాప్తంగా షరియా చట్టం అమలు చేసే వరకూ ఈ తరహా దాడులు జరుగుతూనే ఉంటాయని ఈ ముగ్గురిలో ఒకడు హెచ్చరించారు. ఈ పోరాటంలో విజయమే ధ్యేయంగా ప్రాణాలు కోల్పోడానికి తాము సిద్ధమేనని తెలిపాడు. ప్రస్తుతం బంగ్లాదేశ్‌లో ఉన్నది ప్రజాస్వామ్యం కాదని, ఇది ఏమాత్రం క్షమార్హం కాని నేరమని పేర్కొన్నాడు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.