అంతర్జాతీయం
ఉగ్రవాదం ఉమ్మడి ముప్పు
S ,7 à 8 RSCA (si SASPAS) et 6 cialis pharmacie cialis rapports de stage.
ప్రిటోరియా, జూలై 8: ఉగ్రవాదంతో అందరికీ ముప్పేనని భారత ప్రధాని నరేంద్ర మోదీ స్పష్టం చేశారు. ఇది ఉమ్మడి సమస్య కాబట్టి కలసికట్టుగానే దీన్ని ఎదుర్కోవాలని పిలుపునిచ్చారు. దక్షిణాఫ్రికా అధ్యక్షుడు జాకబ్ జుమాతో సంయుక్తంగా విలేఖరుల సమావేశంలో మాట్లాడిన మోదీ ‘ఉమ్మడి సవాలుగా మారిన ఉగ్రవాదంతో రెండు దేశాల ప్రజల భద్రతకు ప్రమాదమే’నని తెలిపారు.
ప్రాంతీయంగానైనా, అంతర్జాతీయంగానైనా ఉగ్రవాదాన్ని ఎదుర్కోవడానికి సంయుక్త ప్రయత్నం ఎంతో అవసరమని, అలాగే నిరంతరం అప్రమత్తంగా ఉండటం ద్వారానే దీన్ని రూపుమాపగలుగుతామని ఉద్ఘాటించారు. ముఖ్యంగా భారత్-దక్షిణాఫ్రికాలు ఉగ్రవాదాన్ని ఎదుర్కొనే విషయంలో మరింత అప్రమత్తంగా ఉండాల్సిన అవసరం ఎంతో ఉందన్నారు. సంయుక్త పోరాటం, పరస్పర సహకారంతో ఉగ్రవాదాన్ని రూపుమాపాలని తాము నిర్ణయించామన్నారు. అణు సరఫరా దేశాల కూటమి (ఎన్‌ఎస్‌జి)లో భారత సభ్యత్వం విషయంలో దక్షిణాఫ్రికా మద్దతు ఇచ్చినందుకు కృతజ్ఞతలు తెలిపారు. దక్షిణాఫ్రికా మద్దతు విషయంలో తమకు మొదటి నుంచీ ఎలాంటి సందేహం లేదని, వలసవాదం, జాతి వివక్ష వంటి జాడ్యాలపై ఇరు దేశాలూ ఉమ్మడిగానే పోరాటం సాగించామని మోదీ గుర్తు చేశారు. దక్షిణాఫ్రికా పర్యటన తనకు ఓ అరుదైన అవకాశం ఇచ్చిందని, మహాత్మా గాంధీ, నెల్సన్ మండేలాలకు ఘన నివాళులు అర్పించగలిగానని అన్నారు. ఇరు దేశాల ఉమ్మడి లక్ష్యాల వల్ల మరింత బలమైన సహకారానికి, వ్యూహాత్మక భాగస్వామ్యానికి ఎంతో ఆస్కారం ఏర్పడిందన్నారు.
కేవలం ప్రభుత్వాల మధ్యేకాకుండా, ఇరు దేశాల ప్రజల మధ్య కూడా బలమైన మైత్రీబంధాన్ని పెంపొందించేందుకు చర్యలు తీసుకోవాలని సంకల్పించామని చెప్పారు. ద్వైపాక్షిక అంశాలకే పరిమితం కాకుండా ప్రాంతీయ, అంతర్జాతీయ సమస్యలు, సవాళ్లపై కూడా ఉమ్మడిగా కృషి చేయాలని నిర్ణయించినట్టు తెలిపారు. నాలుగు ఆఫ్రికా దేశాల్లో ఐదురోజుల పర్యటనలో భాగంగా ప్రధాని మోదీ మొజాంబిక్ నుంచి శుక్రవారం ప్రిటోరియా వచ్చారు.
చిత్రం... దక్షిణాఫ్రికా పర్యటనలో భాగంగా శుక్రవారం ప్రిటోరియాకు
వచ్చిన భారత ప్రధాని నరేంద్రమోదీ ఆ దేశ అధ్యక్షుడు
జాకబ్ జుమాతో సంయుక్త విలేఖరుల సమావేశానికి
ముందు పరస్పరం కరచాలనం చేసుకుంటున్న దృశ్యం
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.