అంతర్జాతీయం
దద్దరిల్లిన డల్లాస్
S ,7 à 8 RSCA (si SASPAS) et 6 cialis pharmacie cialis rapports de stage.
హ్యూస్టన్, జూలై 8: అమెరికాలో నల్లజాతీయుల ఆందోళనలు తీవ్రరూపం దాల్చాయి. డల్లాస్‌లో పోలీసులపై ఆందోళనకారులు జరిపిన కాల్పుల్లో అయిదుగురు పోలీసు అధికారులు మృతి చెందగా, మరో ఏడుగురు గాయపడ్డారు. గత రెండు రోజుల్లో లూసియానా, మినె్నసోటాల్లో పోలీసులు ఇద్దరు నల్లజాతీయులను కాల్చి చంపడంపై మొదలైన ఆందోళనలు ఇతర రాష్ట్రాలకు కూడా పాకాయి. డల్లాస్ నగరంలో గురువారం రాత్రి ఎత్తయిన భవనంపైన దాక్కున్న ఇద్దరు ఆందోళనకారులు పోలీసులను లక్ష్యంగా చేసుకుని జరిపిన కాల్పుల్లో ఐదుగురు పోలీసులు మృతి చెందినట్లు డల్లాస్ పోలీసు అధికారి డేవిడ్ బ్రౌన్ విలేఖరులకు చెప్పారు. నగరంలో రెస్టారెంట్లు, షాపింగ్స్ మాల్స్‌తో అత్యంత రద్దీగా ఉండే ప్రదేశాల్లో ఒకదాని దగ్గర ఈ కాల్పులు చోటు చేసుకున్నాయి. పోలీసులు సైతం ఓ పార్కింగ్ గ్యారేజిలో దాక్కున్న ఒక అనుమానితుడిపై గంటల సేపు కాల్పులు జరిపారని, ఆ అనుమానితుడు మృతి చెందినట్లు ఓ పోలీసు అధికారి చెప్పారు.
కాగా, పోలీసులపై కాల్పులు జరిపిన ఘటనలో అనుమానితులుగా భావిస్తున్న ముగ్గురిని అరెస్టు చేసినట్లు, వారిలో ఒక మహిళ కూడా ఉన్నట్లు బ్రౌన్ చెప్పారు. టెక్సాస్ డౌన్‌టౌన్ ప్రాంతంలో బాంబులు పెట్టినట్లు ఓ అనుమానితుడు పోలీసులను బెదిరించాడని కూడా ఆయన చెప్పారు. పోలీసులపై కాల్పులు జరిపిన మరో వ్యక్తి తనను తాను కాల్చుకున్నట్లు పోలీసులు తెలిపారు. ఈ ఘటనల నేపథ్యంలో డల్లాస్ మీదుగా వెళ్లాల్సిన విమానాలపై విమానయాన అధికారులు ఆంక్షలు విధించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.