అంతర్జాతీయం
ఎన్‌ఎస్‌జిలో చేరడానికి ఎన్‌పిటి తప్పనిసరి కాదు
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, జూలై 13: అణు సరఫరా దేశాల గ్రూపు(ఎన్‌ఎస్‌జి)లో చేరడానికి అణ్వస్త్ర వ్యాప్తి నిరోధక ఒప్పందం (ఎన్‌పిటి)పై సంతకం తప్పని సరికాదని అయితే దాని నిబంధనలకు కట్టుబడి ఉండడం ముఖ్యమని అమెరికాకు చెందిన మేధావుల వేదిక అయిన ‘కార్నిగే ఎండోమెంట్ ఫర్ ఇంటర్నేషనల్ పీస్’లో న్యూక్లియర్ పాలసీ ప్రో గ్రా మ్ సీనియర్ అసోసియేట్ అయిన మార్క్ గిబ్స్ ‘న్యూక్లియర్ ఇంటెలిజన్స్’ వారపత్రికలో రాసిన సంపాదకీయ వ్యాసం లో పేర్కొన్నారు. చైనా వ్యతిరేకత కారణంగా భారత్ సభ్యత్వ విషయంపై 48 దేశాలు సభ్యులుగా ఉన్న అణు సరఫరాదేశాల కూటమి (ఎన్‌ఎస్‌జి) ఒక నిర్ణయం తీసుకోలేకపోయిన కొద్ది వారాలకే ఈ వ్యాసం రావడం గమనార్హం. ఈ డైలమానుంచి బైటపడడానికి భారత్ కొన్ని కొలమానాలను నెరవేర్చడం లేదా సభ్యత్వానికి అవసరమైన నిబంధనలను పాటించడం ఒక మార్గమని హిబ్స్ అభిప్రాయ పడ్డారు. ఎన్‌ఎస్‌జి సభ్యత్వానికి ఎన్‌పిటిలో సభ్యత్వం అవసరం లేదని, అయితే దానిలోని ముఖ్య అంశాలకు కట్టుబడి ఉండ డం ముఖ్యమని, భారత్‌ను గనుక ఆ న్యాయపరమైన నిబంధనలకు కట్టుబడేలా చేయగలిగినట్లయితే అది ప్రపంచ అణ్వస్త్ర వ్యాప్తి నిరోధక ఒప్పందానికి దగ్గరయినట్లేనని ఆయన అన్నారు. అంతేకాదు, తన సొంత నియమ నిబంధనల ప్రకారం భారత్‌ను సభ్య దేశంగా చేర్చుకోవడానికి ఏమయినా అడ్డంకులున్నాయా అనే విషయాన్ని కూడా ఎన్‌ఎస్‌జి పరిశీలించాలని ఆయన అభిప్రాయ పడ్డారు. భారత సభ్య త్వం సమస్యను ఎన్‌ఎస్‌జి ఎలా పరిష్కరించగలుగుతుందనేది రొటేషన్ పద్ధతిలో 2017 మధ్య దాకా ఎన్‌ఎస్‌జి చైర్మన్ పదవిలో ఉండే దక్షిణ కొరియా, అంతకు ముందు చైర్మన్‌గా ఉండిన అర్జెంటీనా చేతుల్లో ఉందని హిబ్స్ ఆ వ్యాసంలో అభిప్రాయ పడ్డారు. సభ్య దేశాలతో వాళ్లు చర్చలు కొనసాగించినట్లయితే, కొంత పురోగతి సాధిస్తే, భారత్ దరఖాస్తును తిరిగి పరిశీలించడం కోసం మళ్లీ అసాధారణ సర్వసభ్య సమావేశాన్ని ఏర్పాటు చేయవచ్చని ఆయన ఆ వ్యాసంలో అన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.