అంతర్జాతీయం
అమెరికాతో యుద్ధానికి సిద్ధం!
S ,7 à 8 RSCA (si SASPAS) et 6 cialis pharmacie cialis rapports de stage.
బీజింగ్, జూలై 22: దక్షిణ చైనా సముద్రంపై తన హక్కులను తోసివేస్తూ ఐక్యరాజ్య సమితి (ఐరాస)కు చెందిన ట్రిబ్యునల్ తీర్పు ఇచ్చిన నేపథ్యంలో చైనా మిలిటరీ తాజాగా పలు కొత్త ఆయుధాలను ఆవిష్కరించింది. వీటిలో సుదూరంలో ఉన్న లక్ష్యాలను ఛేదించే క్షిపణులు కూడా ఉన్నాయి. ట్రిబ్యునల్ తీర్పును అమలు చేయడానికి ఏ దేశమైనా పూనుకుంటే చైనా తన ప్రయోజనాల పరిరక్షణ కోసం యుద్ధానికి సన్నద్ధంగా ఉందని ఆ దేశ ఉన్నతాధికారులు ప్రకటించిన నేపథ్యంలో ఈ కొత్త ఆయుధాల ఆవిష్కరణ ప్రాధాన్యం సంతరించుకుంది. చైనా పీపుల్స్ లిబరేషన్ ఆర్మీ (పిఎల్‌ఎ)కి చెందిన ‘ద సదరన్ థియేటర్ కమాండ్’ సముద్ర జలాల్లో ఉండి, గగనతలం నుంచి యుద్ధం చేయడానికి సంబంధించిన ఈ ఆయుధాలను ఉన్నత స్థాయి సైనికాధికారుల సందర్శన సందర్భంగా ఆవిష్కరించింది. పిఎల్‌ఎ దక్షిణ చైనా సముద్రం వ్యవహారాలను చూడటానికే కొత్తగా ‘ద సదరన్ థియేటర్ కమాండ్’ను ఏర్పాటు చేసింది. అధికార టెలివిజన్ ఈ కొత్త ఆయుధాలను ప్రదర్శించింది. దక్షిణ చైనా సముద్రం విషయంలో అమెరికాతో యుద్ధం చేయడానికి కూడా సదరన్ థియేటర్ కమాండ్ సిద్ధంగా ఉందని తెలియజేయడానికే ఎన్నడూ లేని రీతిలో చైనా కొత్త ఆయుధాలను బహిరంగంగా ప్రదర్శించిందని సైనిక నిపుణులు పేర్కొంటున్నారని హాంకాంగ్ నుంచి వెలువడుతున్న ‘సౌత్ చైనా మార్నింగ్ పోస్ట్’ శుక్రవారం తెలిపింది. చైనా అధ్యక్షుడు జి జిన్‌పింగ్ తరువాత అతి పెద్ద సైనికాధికారి, సెంట్రల్ మిలిటరీ కమిషన్ (సిఎంసి) వైస్ చైర్మన్ జనరల్ ఫాన్ చాంగ్‌లాంగ్ సందర్శన సందర్భంగా ఈ కొత్త ఆయుధాలను ఆవిష్కరించారు. యుద్ధానికి సిద్ధంగా ఉండాలని జనరల్ ఫాన్ చైనా బలగాలకు పిలుపునిచ్చారు. ఫాన్‌తో పాటు పిఎల్‌ఎ ఎయిర్‌ఫోర్స్ కమాండర్ జనరల్ మా జియోటియన్, ఆర్మీకి చెందిన రాకెట్ ఫోర్స్ చీఫ్ జనరల్ వెయి ఫెంఘే ఉన్నారు. చైనా క్షిపణుల గిడ్డంగిని ఈ రాకెట్ ఫోర్సే నిర్వహిస్తుంటుంది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.