అంతర్జాతీయం
టర్కీలో ఐఎస్ ఆత్మాహుతి దాడి: 50 మంది మృతి
S ,7 à 8 RSCA (si SASPAS) et 6 cialis pharmacie cialis rapports de stage.
గజియాన్‌టెప్ (టర్కీ), ఆగస్టు 21: టర్కీలో ఇస్లామిక్ స్టేట్ (ఐఎస్) ఉగ్రవాదులు జరిపిన బాంబు దాడిలో 50 మంది మృతి చెందారు. సిరియా సరిహద్దుల్లో ఉన్న ఆగ్నేయ టర్కీలోని గజియాన్‌టెప్ నగరంలో ఒక వివాహానికి హాజరైన ప్రజలను లక్ష్యంగా చేసుకొని ఈ దాడి జరిగిందని అధికారులు ఆదివారం తెలిపారు. స్థానిక కాలమానం ప్రకారం శనివారం రాత్రి అనేక మంది ఖుర్దులు హాజరయిన వివాహ కార్యక్రమంలో సంభవించినట్టు పేర్కొన్నారు. నాటో కూటమిలో కీలక సభ్యదేశమైన టర్కీలో ఇటీవలి కాలంలో తరచుగా ఉగ్రవాద దాడులు జరుగుతున్నాయి. ఉగ్రవాదుల దాడిలో 50 మంది మృతి చెందినట్లు గజియాన్‌టెప్ గవర్నర్ అలీ యెర్లికయా ఒక ప్రకటనలో తెలిపారు. అమెరికాలోని మత బోధకుడు ఫెతుల్లా గులేన్‌కు చెందిన గ్రూపు, నిషిద్ధ ఖుర్దిస్తాన్ వర్కర్స్ పార్టీ (పికెకె), దాయేశ్ (ఐఎస్)లకు మధ్య ఎలాంటి తేడా లేదని టర్కీ అధ్యక్షుడు రెసెప్ తయ్యిప్ ఎర్డోగాన్ విమర్శించారు. ‘మా దేశం, మా జాతి మాపై దాడి చేసేవారికి మళ్లీ ఒకే సందేశం వినిపించింది. మీరు విజయం సాధించలేరు’ అనేదే ఆ సందేశమన్నారు.
వంటికి బాంబులను కట్టుకున్న వ్యక్తి వివాహ వేడుకలోకి ప్రవేశించి తనను తాను పేల్చేసుకున్నట్లు తెలుస్తోంది. పెళ్లి కుమారుడు, పెళ్లి కుమార్తె ఖుర్దులు అధిక సంఖ్యలో నివసించే సీరిట్ ప్రాంతానికి చెందిన వారని డోగాన్ వార్తాసంస్థ తెలిపింది. ఆ వివాహ కార్యక్రమంలో తమ సభ్యులు చాలా మంది పాల్గొన్నారని ఖుర్దుల అనుకూల పీపుల్స్ డెమొక్రటిక్ పార్టీ (హెచ్‌డిపి) ప్రకటించింది. చాలా మంది మహిళలు, పిల్లలు ఈ వివాహానికి హాజరయ్యారు. పెళ్లి కుమార్తె, పెళ్లి కుమారుడు- బెస్నా, నురెట్టిన్ అక్‌డోగాన్ పేలుళ్లలో గాయపడి ఆసుపత్రిలో చికిత్స పొందుతున్నారని, వారి ప్రాణాలకు ఎలాంటి అపాయం లేదని హురియత్ డైలీ తెలిపింది. గాయపడిన మరో 98 మందిని వివిధ ఆస్పత్రుల్లో చేర్చారు.
టర్కీలోని అరబ్బులు, కుర్దులు, టర్క్‌మెన్ వంటి విభిన్న ప్రజాసమూహాల మధ్య విభేదాలు సృష్టించడానికి, భిన్న తెగలు, మతాల మధ్య విద్వేషాలను రెచ్చగొట్టడానికి ఇలాంటి దాడులు చేస్తున్నారని ఎర్డోగాన్ విమర్శించారు.
చిత్రం... ఆత్మాహుతి దాడి జరిగినచోట లభించిన తూటాలు. కన్నీరు మున్నీరవుతున్న బాధితులు
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.