అంతర్జాతీయం
అమెరికా అజేయం
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, సెప్టెంబర్ 11: ‘అమెరికాను ఎవరూ ఓడించలేరు.. మనల్ని చీల్చే అవకాశం ఎవరికీ ఇవ్వొద్దు’9/11 పదిహేనో వార్షిక సభలో అధ్యక్షుడు ఒబామా ప్రజలకు పిలుపునిచ్చారు. అల్‌ఖైదా, ఐసిస్ పేరేదైనా ఎంతటి ఉగ్రవాద సంస్థ అయినా కూడా అమెరికా జోలికొస్తే తగిన మూల్యం చెల్లించుకోవాల్సిందేనని ఉద్ఘాటించారు. వరల్డ్ ట్రేడ్ సెండర్, పెంటగాన్‌పై అల్‌ఖైదా జరిపిన దాడిలో మరణించిన వారి స్మృత్యర్థం ఆదివారం పెంటగాన్‌లో నిర్వహించిన సంస్మరణ సభలో ఒబామా మాట్లాడారు. అమెరికా వంటి శక్తి, యుక్తి కలిగిన బలమైన దేశాన్ని ఎప్పటికీ జయించలేమన్న నిజం ఉగ్రవాద శక్తులకు స్పష్టమైందన్నారు. ప్రత్యక్షంగా అమెరికాను ఏమీ చేయలేక పోవడం వల్ల ఈ శక్తులు పరోక్ష మార్గాల్లో రెచ్చిపోతున్నాయని, ప్రజల్లో భయాందోళనలు కలిగించే చర్యలకు ఒడిగడుతున్నాయన్నారు. ప్రపంచం నలుమూలల నుంచి వచ్చిన ప్రజలతో నిండిన అమెరికా ఈ రకమైన భయాన్ని కలిగించడం ద్వారా వైషమ్య వాతావరణాన్ని సృష్టిస్తున్నారన్నారు. ఈ నేపథ్యంలో భిన్నత్వంలో ఏకత్వాన్ని, వైవిధ్యంలో ఏకీకృతభావాన్ని బలోపేతం చేసుకోవాలన్నారు. అమెరికా వైవిధ్యం బలహీనత కాదని, అదే ఆ దేశ బలమని ఉద్ఘాటించారు. 9/11 ఉగ్రదాడితో తల్లడిల్లిన అమెరికా అదే సంఘటిత శక్తితో అనంతర పరిణామాలను ఎదుర్కొందని గుర్తు చేశారు. అమెరికా నలుమూలల నుంచి లక్షల సంఖ్యలో ప్రజలు వచ్చి నాటి ఉగ్రవాద దాడిలో మరణించిన వారికి నివాళులర్పించడమే వారిలో ఉన్న ఐక్యతా భావానికి నిదర్శనమన్నారు. ఎంతగా నివాళులర్పించినా..ఎంతగా తమ ఆత్మీయతానురాగాలను చాటుకున్నా..మృతులకు నిజమైన నివాళి అమెరికాను సమైక్యంగా శక్తివంతం చేయడమేనని ఒబామా తెలిపారు. ఈ సమున్నత దేశాన్ని ఏ శక్తీ విడదీయలేనంతగా దీన్ని అన్ని విధాలుగా శక్తివంతంగా మార్చాలన్నారు. ఈ సందర్భంగా అధ్యక్ష ఎన్నికల్లో రిపబ్లికన్ అభ్యర్థిగా పోటీచేస్తున్న డొనాల్డ్ ట్రంప్ వ్యాఖ్యల్ని ఒబామా పరోక్షంగా ప్రస్తావించారు.
9/11 మృతులకు మోదీ నివాళి
న్యూఢిల్లీ: న్యూయార్క్ నగరంలో వరల్డ్ ట్రేడ్ సెంటర్‌పై ఉగ్రవాదులు దాడి చేసి నేటితో పదిహేనేళ్లు నిండాయి. ఈ సందర్భంగా ప్రధాని 9/11 దాడి మృతులకు నివాళులర్పించారు. ‘సెప్టెంబర్ 11 అంటే రెండు పరస్పరం భిన్నమైన దృశ్యాలు మనసులో మెదులుతాయి. అందులో ఒకటి వరల్డ్ ట్రేడ్ సెంటర్‌పై ఉగ్రవాదులు జరిపిన దాడి అయితే మరోటి 1893లో స్వామి వివేకానంద చికాగోలో చరిత్రాత్మక ప్రసంగం చేసి కోట్లాది మంది హృదయాలను గెలుచుకున్న సంఘటన’ అని మోదీ వేర్వేరు ట్వీట్‌లలో పేర్కొన్నారు. 2001 సంవత్సరం సెప్టెంబర్ 11న ఉగ్రవాదులు చికాగోలోని వరల్డ్ ట్రేడ్ సెంటర్‌కు చెందిన ట్విన్ టవర్స్‌ను విమానంతో ఢీకొట్టి కూల్చేసిన విషయం తెలిసిందే.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.