అంతర్జాతీయం
ఇజ్రాయెల్ మాజీ ప్రధాని పెరెస్ కన్నుమూత
S ,7 à 8 RSCA (si SASPAS) et 6 cialis pharmacie cialis rapports de stage.
టెల్‌అవీవ్, సెప్టెంబర్ 28: పాలస్తీనాతో దశాబ్దాలుగా సాగిన సంఘర్షణలకు స్వస్తిపలికి ఇరుదేశాల మధ్య సయోధ్యను కుదిర్చేందుకు విశ్వప్రయత్నం చేసిన ఇజ్రాయెల్ మాజీ అధ్యక్షుడు, నోబెల్ శాంతి అవార్డు గ్రహీత షిమన్ పెరెస్ (93) బుధవారం కన్నుమూశారు. మంగళవారం ఆయన శారీరక అవయవాలన్నీ విఫలమయ్యాయని, అంతకుముందు వచ్చిన జబ్బువల్ల మెదడుకూడా చికిత్స చేయలేనంతగా దెబ్బతిందని వైద్యులు తెలిపారు. పెరెస్ నిద్రలోనే కన్నుమూశారని వారన్నారు. పెరెస్ రెండు పర్యాయాలు ఇజ్రాయెల్ ప్రధానిగా, తొమ్మిదో అధ్యక్షుడుగా పనిచేశారు. మొదటినుంచీ కూడా భారతదేశం పట్ల సానుకూల వైఖరిని ప్రదర్శిస్తూ వచ్చిన పెరెస్ భూమిమీదే అత్యంత ఉత్తమమైన ప్రజాస్వామ్య దేశంగా అభివర్ణించేవారు. ఐరాస భద్రతా మండలిలో భారత్‌కు శాశ్వత సభ్యత్వం కల్పించాలని గట్టిగా పట్టుబట్టారు. భారత రాష్టప్రతి ప్రణబ్ ముఖర్జీ, ప్రధాని నరేంద్ర మోదీ సహా ప్రపంచ దేశాల అధ్యక్షులు, ప్రధానులు పెరెస్ మృతికి ప్రగాఢ సంతాపం తెలిపారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.