అంతర్జాతీయం
బీటింగ్ రిట్రీట్‌లో పాక్ వైపునుంచి రాళ్లు!
S ,7 à 8 RSCA (si SASPAS) et 6 cialis pharmacie cialis rapports de stage.
వాఘా, అక్టోబర్ 2: భారత్, పాకిస్తాన్‌ల మధ్య ఉన్న వాఘా-అటారీ సరిహద్దు పోస్టు వద్ద ప్రతిరోజూ సాయంత్రం జరిగే బీటింగ్ రిట్రీట్‌కు ఓ ప్రత్యేకత ఉంది. సూర్యాస్తమయం సమయంలో ఇరుదేశాల ఉమ్మడి సరిహద్దు మార్గం అయిన ఈ పోస్టును మూసివేసే ముందు సరిహద్దును కాపలా కాసే బిఎస్‌ఎఫ్, పాకిస్తాన్ రేంజర్స్ జరిపే ఈ కవాతును తిలకించడానికి ఇరువైపులనుంచి పెద్ద సంఖ్యలో జనం రోజూ వస్తుంటారు. దశాబ్దాలుగా ప్రతి రోజూ జరిగే ఈ బీటింగ్ రిట్రీట్ కార్యక్రమం ఎంతో ప్రశాంతంగా సాగిపోతూ వస్తోంది. అయితే ఉరీ ఉగ్రవాద దాడి, అనంతరం భారత సైన్యాలు పాక్ ఆక్రమిత కాశ్మీర్‌లోని ఉగ్రవాదుల స్థావరాలపై జరిపిన మెరపుదాడి అనంతరం ఇరుదేశాల మధ్య నెలకొన్న ఉద్రిక్తతల నేపథ్యంలో ఆదివారం సాయంత్రం బీటింగ్ రిట్రీట్ జరుగుతుండగా పాక్ వైపునుంచి జనాలు భారత జవాన్లపైకి బండరాళ్లు విసిరారు. బీటింగ్ రిట్రీట్‌లో ఇలాంటి సంఘటన జరగడం ఇదే మొదటిసారి. బిఎస్‌ఎఫ్ దళాలు ఈ సంఘటనను తీవ్రంగా పరిగణించడమే కాకుండా పాకిస్తాన్ రేంజర్స్‌కు ఫిర్యాదు కూడా చేసింది. అయితే పాక్ మాత్రం దీనిపై ఇంకా స్పందించలేదు. కాగా, ఈ అంశాన్ని చర్చించడానికి ఫ్లాగ్ మీటింగ్ ఏర్పాటు చేయాలని బిఎస్‌ఎఫ్ పాక్ రేంజర్స్‌ను కోరింది. ఈ సంఘటన జరిగిన తర్వాత కూడా బీటింగ్ రిట్రీట్ మాత్రం మామూలుగా కొనసాగింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.