అంతర్జాతీయం
కాశ్మీర్ పరిష్కారమైతేనే కాబూల్‌లో శాంతి
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, అక్టోబర్ 7: నిన్న మొన్నటివరకు కాశ్మీర్ సమస్యను అంతర్జాతీయ వేదికలపై లేవనెత్తుతూ కాశ్మీర్ సమస్య పరిష్కారమయితేనే దక్షిణాసియాలో శాంతి నెలకొంటుందని చెప్తూ వచ్చిన పాకిస్తాన్ ఇప్పుడు కొత్త పాట మొదలుపెట్టింది. అఫ్గానిస్థాన్‌లో శాంతికి, కాశ్మీర్‌కు లంకెపెట్టింది. అఫ్గానిస్థాన్‌లో శాంతి నెలకొనాలంటే కాశ్మీర్ సమస్య పరిష్కారం కావాలని అంటోంది. ‘కాబూల్‌లో శాంతి కాశ్మీర్‌తో ముడిపడి ఉంది. శాంతిగురించి మాట్లాడేటప్పుడు దాన్ని విడివిడిగా చూడడానికి వీలు లేదు... కాబూల్‌లో శాంతి నెలకొల్పి కాశ్మీర్‌ను మండిస్తూనే ఉందామంటే కుదరదు. అలా ఎప్పటికీ జరగదు’ అని కాశ్మీర్‌పై పాకిస్తాన్ ప్రధాని నవాజ్ షరీఫ్ ప్రత్యేక దూత ముషాహిద్ హుస్సేన్ సయ్యద్ అని అన్నారు. ‘కాబట్టి మీరు(అమెరికా) సమగ్ర శాంతి గురించి మాట్లాడండి’ అని పాకిస్తాన్ సెనేట్‌లో రక్షణ, రక్షణ పరికరాల ఉత్పత్తి కమిటీ చైర్మన్ కూడా అయిన ముషాహిద్ వాషింగ్టన్‌లోని స్టింసన్ సెంటర్‌లో జరిగిన ఓ చర్చాగోష్ఠిలో మాట్లాడుతూ అన్నారు. పాకిస్తాన్ జాతీయ అసెంబ్లీ సభ్యురాలయిన షెజ్రా మన్సాబ్‌తో కలిసి ఆయన కాశ్మీర్‌పై పాక్ ప్రధాని ప్రత్యేక దూతలుగా అమెరికా వచ్చారు. ఇప్పుడు మా ప్రధాన సమస్య కాశ్మీర్. ఈ సమస్య పరిష్కారం కాకుండా ఈ ప్రాంతంలో శాంతి సాధ్యం కాదు. ఇది అంతర్గత సమస్య కాదు, అంతర్జాతీయ సమస్య. ప్రస్తుతం రెండు అణ్వస్త్ర దేశాల మధ్య పరిస్థితులు ఉద్రిక్తంగా ఉన్నాయి. అందువల్ల కాశ్మీర్ సమస్య పరిష్కారం అయ్యాకే మిగతా వాటి గురించి ఆలోచించాలి’ అని మన్సాబ్ అన్నారు. ఎలాంటి షరతులు పెట్టకుండా చర్చలు జరపడానికి తమ ప్రధాని నవాజ్ షరీఫ్ ప్రతిపాదించారని, అయితే భారత్ ఏ అంశంపైన కూడా మాట్లాడడానికి ఇష్టపడ్డం లేదన్నారు. ‘మేము ఒకే అంశంపై మాట్లాడడానికి సిద్ధంగా ఉన్నామని భారత్ అంటోంది. అయితే ఆ అంశం సహా ఇతర అంశాలపైన కూడా మాట్లాడడానికి సిద్ధంగా ఉన్నామని మేము చెప్తున్నాం’ అని ఆమె స్పష్టం చేశారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.