అంతర్జాతీయం
మరో మావో జీ జిన్‌పింగ్
S ,7 à 8 RSCA (si SASPAS) et 6 cialis pharmacie cialis rapports de stage.
బీజింగ్, అక్టోబర్ 23: ప్రస్తుత సవాళ్లను అధిగమించాలంటే చైనాకు మావోలాంటి మరో నాయకుడు అవసరమని ప్రస్తుత అధ్యక్షుడు జీ జిన్‌పింగ్ అన్ని విధాలుగా సమర్థుడని అధికార కమ్యూనిస్టు పార్టీ స్పష్టం చేసింది. మావోకు ఉండాల్సిన లక్షణాలన్నీ జిన్‌పింగ్‌కు ఉన్నాయని వెల్లడించింది. దేశంలో జిన్‌పింగ్ నాయకత్వాన్ని మరింత బలోపేతం చేసే లక్ష్యంతో కమ్యూనిస్టు పార్టీ కీలక భేటీ జరపనున్న తరుణంలో ఈ ప్రకటన వెలువడింది. నాలుగు రోజులపాటు జరిగే చైనా కమ్యూనిస్టు పార్టీ ప్లీనమ్ సమావేశానికి అనేక రకాలుగా ప్రాధాన్యత ఉంది. దేశాధ్యక్షుడు, అలాగే ప్రధాని లీ కెకియాన్ మినహా మిగతా అధికారిక వ్యవస్థలో అనేక కీలక మార్పులు చేయడానికి ఈ సమావేశం సన్నద్ధమవుతోంది. 63 సంవత్సరాల జీ జిన్‌పింగ్ సారథ్యంలోని ఏడుగురు సభ్యు స్టాండింగ్ కమిటీయే ప్రస్తుతం చైనాలో అధికారాన్ని చెలాయిస్తోంది. 2012లో చైనా అధ్యక్ష పగ్గాలు చేపట్టినప్పటి నుంచీ తన నాయకత్వాన్ని ఎప్పటికప్పుడు బలోపేతం చేసుకుంటూ జిన్‌పింగ్ దూసుకుపోతున్నారు. కేవలం అధ్యక్షుడిగానే పరిమితం కాకుండా దేశాన్ని ఆర్థికంగానూ, సైనికపరంగానూ శక్తివంతంగా తీర్చిదిద్దారని ఆ ప్రకటన స్పష్టం చేసింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.