అంతర్జాతీయం
ప్రపంచ టాప్ టెన్‌లో మోదీ
S ,7 à 8 RSCA (si SASPAS) et 6 cialis pharmacie cialis rapports de stage.
న్యూయార్క్, డిసెంబర్ 14: ప్రపంచ వ్యాప్తంగా అత్యంత ప్రభావశీలత కలిగిన టాప్ టెన్ నేతల్లో భారత ప్రధాని నరేంద్ర మోదీకి తొమ్మిదో స్ధానం లభించింది. మొత్తం 74 మంది నేతలకు సంబంధించి ఫోర్బ్స్ పత్రిక నిర్వహించిన ఈ సర్వేలో వరుసగా నాలుగో ఏడాది కూడా రష్యా అధ్యక్షుడు వ్లాదిమిర్ పుతిన్ మొదటి స్థానాన్ని దక్కించుకున్నారు. అమెరికా కొత్త అధ్యక్షుడిగా ఎన్నికైన డొనాల్డ్ ట్రంప్‌కు రెండో స్థానం దక్కింది. భారత్‌లో నరేంద్ర మోదీకి తిరుగులేని జనాదరణ ఉందని, ఇటీవలి కాలంలో విస్తృతంగా విదేశీ పర్యటనలు చేపట్టడం ద్వారా బరాక్ ఒబామా, జి జిన్‌పింగ్ తరహాలో అంతర్జాతీయ నాయకుడిగా ఎదిగారని ఆ పత్రిక పేర్కొంది. అలాగే వాతావరణ మార్పుల నిరోధానికి జరిగిన అంతర్జాతీయ ప్రయత్నాల్లోనూ మోదీ క్రియాశీలక భూమిక పోషించారని తెలిపింది. నల్లధనం, అవినీతిని అంతం చేసేందుకు పెద్ద కరెన్సీ నోట్లను అనూహ్య రీతిలో మోదీ రద్దు చేసిన విషయాన్ని కూడా ఫోర్బ్స్ పత్రిక ప్రస్తావించింది. ప్రపంచ వ్యాప్తంగా 7.4బిలియన్ జనాభా ఉందని వీరిలో కేవలం 74మందికి మాత్రమే ప్రపంచ గమనాన్ని మలుపుతిప్పే సామర్థ్యం ఉందని తెలిపింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.