అంతర్జాతీయం
మాక్రన్, లీపెన్ మధ్యే తుదిపోరు
S ,7 à 8 RSCA (si SASPAS) et 6 cialis pharmacie cialis rapports de stage.
పారిస్, ఏప్రిల్ 24:ఫ్రాన్స్ అధ్యక్ష ఎన్నికల తొలి దఫా ఓటింగ్‌లో ప్రజలు సంప్రదాయ పార్టీలను ఘోరంగా దెబ్బతీశారు. కొన్ని దశాబ్దాలుగా అధికారాన్ని పంచుకుంటూ వచ్చిన లెఫ్ట్, రైట్ పార్టీలను పక్కన పెట్టి ఐరోపా అనుకూల ఇమాన్యుయెల్ మాక్రన్‌కు మొదటి స్థానాన్ని, ఇమిగ్రేషన్ వ్యతిరేక నేషనల్ ఫ్రంట్ నాయకురాలు లీపెన్‌కు రెండోస్థానాన్ని కట్టబెట్టారు. మే ఏడో తేదీన జరుగనున్న తుది ఎన్నికలో వీరిద్దరిలో ఎవరో ఒకరు దేశాధ్యక్ష పదవిని చేపడతారు. మాక్రన్‌కు అనుకూలంగా మద్దతు పెరుగుతున్న దృష్ట్యా ఇతర రాజకీయ పార్టీలు సైతం ఆయనకు మద్దతు పలుకుతున్నాయి. ఈ నేపథ్యంలో మాజీ అధ్యక్షుడు హోలాండ్ కూడా మాక్రన్‌ను బలపరచడంతో లీపెన్‌కు తుది విజయం అంత తేలిగ్గా కనిపించడం లేదు. రెండో రౌండ్ ఓటింగ్‌లో ప్రధాన పార్టీలకు చెందిన అభ్యర్థులెవరూ లేకపోవడం గత ఆరు దశాబ్దాల కాలంలో ఇదే మొదటిసారి. అన్ని విధాలుగా పరిస్థితులు తనకే అనుకూలంగా ఉన్నాయని భావిస్తున్న మాక్రన్ తుది పోరులో లీపెన్‌పై 20శాతానికి పైగా ఓట్లతో నెగ్గుతానన్న ధీమాను వ్యక్తం చేస్తున్నారు.
20ఏళ్ల తర్వాత తెరుచుకోనున్న శివాలయం
పెషావర్, ఏప్రిల్ 24: పాకిస్తాన్‌లో ఇరవై ఏళ్లుగా మూతబడిపోయిన శివాలయంలో పూజాదికాలు నిర్వహించేందుకు పాక్ కోర్టు సోమవారం అనుమతి మంజూరు చేసింది. అబోటాబాద్ జిల్లాలో ఉన్న ఈ శివాలయం ఆస్తుల తగాదావల్ల 20 ఏళ్లుగా పూజాదికాలకు నోచుకోక మూతబడిపోయింది. 2013లో ఒక స్వచ్ఛంద సంస్థ ఆలయ ఆస్తులను కొనుగోలు చేసి, వాటిని స్వాధీనం చేసుకునేందుకు కోర్టులో కేసు వేసింది. కేసును విచారించిన పెషావర్ హైకోర్టు బెంచ్, హిందువులు ఈ ఆలయంలో పూజాదికాలు నిర్వహించుకోవచ్చునని ఆదేశాలు జారీ చేసింది. ఖైబర్ ఫంక్తువాలోని శివాలయంలో రాజ్యాంగంలోని సెక్షన్ 20 ప్రకారం తెరిచి హిందువులు పూజాదికాలు నిర్వహించుకోవచ్చునని బెంచ్‌కు నేతృత్వం వహించిన జస్టిస్ అతీఖ్ హుస్సేన్ షా ఆదేశాలిచ్చారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.