అంతర్జాతీయం
రోదసిలో పూసిన తొలి పూవు!
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, జనవరి 17: అంతరిక్షంలో మొట్టమొదటిసారిగా ఒక పువ్వును విజయవంతంగా పూయించి అమెరికా వ్యోమగామి స్కాట్ కెల్లీ చరిత్ర సృష్టించాడు. అమెరికా దక్షిణ, పశ్చిమ ప్రాంతాల్లో సాధారణంగా కనిపించే ఆరంజ్ జినియా పువ్వును కెల్లీ అంతర్జాతీయ అంతరిక్ష కేంద్రం (ఐఎస్‌ఎస్)లో విజయవంతంగా పెంచడమే కాదు, పూర్తిస్థాయిలో వికసించేలా చేసాడు. తాను సాధించిన విజయాన్ని కెల్లీ ట్విట్టర్‌లో ఆనందంగా భూమిమీద ఉన్న అందరికీ తెలియజేయడమే కాకుండా ఆ జినియా పూవు ఫోటోలను కూడా ఉంచాడు. ‘అంతరిక్షంలో ఇతర జీవ రూపాలు కూడా ఉన్నాయి. అంతరిక్షంలో మొట్టమొదటగా పెంచిన పూవు చరిత్ర సృష్టించింది’ అని కూడా ఆయన ట్విట్టర్‌లో పేర్కొన్నాడు. అంతర్జాతీయ అంతరిక్ష కేంద్రంలోని సిబ్బంది ఇంతకు ముందు ఆకులే పువ్వులుగా ఉండే కాలీఫ్లవర్‌లాంటి వాటిని పెంచి తిన్నారు కూడా. అయితే ఒక పూల మొక్కను పెంచి పువ్వు పూసేలా చేయడం ఇదే మొదటిసారి. రాబోయే రోజుల్లో అంతరిక్ష యాత్రల్లో దీని ప్రభావం ఎంతో ఉండనుంది. మానవులు భూమికి దూరంగా వెళ్లే కొద్దీ ఆహార మొక్కలను పెంచాల్సిన, వాతావరణ రీసైక్లింగ్ చేయడం, వాటివల్ల భౌతిక ప్రయోజనాలను పొందాల్సిన అవసరం ఎంతయినా ఉందని అమెరికా అంతరిక్ష పరిశోధనా కేంద్రం నాసా కెన్నడీ స్పేస్ సెంటర్‌లో ‘వెజ్జీ’ కార్యక్రమానికి చెందిన పే లోడ్ సైంటిస్టు జియోయియా మస్సా 2014 మేలోనే చెప్పారు. దీర్ఘకాలం అంతరిక్ష పరిశోధనలు జరపాల్సిన పరిస్థితుల్లో మొక్కల పెంపకం అనేది ఒక ముఖ్యమైన అంశంగా ఉంటుందని తాను భావిస్తున్నట్లు మస్సా చెప్పారు. ‘వెజ్జీ’ అనేది అంతర్జాతీయ అంతరిక్ష కేంద్రంలో ఏర్పాటు చేసిన ఒక సిస్టమ్. గత జూన్‌లో దీన్ని ఐఎస్‌ఎస్‌లో ఏర్పాటు చేసారు. దీంతో అంతరిక్ష యాత్రికులు ఐఎస్‌ఎస్‌పైన మొక్కలను పెంచడానికి వీలవుతుంది. పువ్వులు పెరగడానికి అది ఎరుపు, నీలం, ఆకుపచ్చ ఎల్‌ఇడి లైట్లతో కూడిన సిస్టమ్‌ను ఉపయోగిస్తుంది. జినియా పూవును పెంచడం వల్ల వెజ్జీ పెంపకం విధానంలో పూల మొక్కలు ఎలా పెరుగుతాయో తెలుసుకోవడానికి తోడ్పడ్డమే కాక భవిష్యత్తులో టమోటాలాంటి పండ్ల మొక్కలను పెంచడానికి వీలవుతుందని కెన్నడీ స్పేస్ సెంటర్‌కు చెందిన ప్రోగ్రామ్ మేనేజర్ ట్రెంట్ స్మిత్ గత ఏడాది అన్నారు.
chitram...
రోదసిలో పూసిన ఆరంజ్ జినియా పువ్వు
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.