అంతర్జాతీయం
విమానం కూలి 23మంది మృతి
S ,7 à 8 RSCA (si SASPAS) et 6 cialis pharmacie cialis rapports de stage.
ఖాట్మండు: నేపాల్‌లో బుధవారం ఒక విమానం కూలిపోయి అందులో ప్రయాణిస్తున్న మొత్తం 23 మంది మృతి చెందారు. మృతుల్లో ఇద్దరు పిల్లలు, ఇద్దరు విదేశీయులు ఉన్నారు. మారుమూల పర్వత ప్రాంతంలో ప్రతికూల వాతావరణం వల్ల పైలట్‌కు సరిగా కనపడని కారణంగా ఈ ప్రమాదం చోటు చేసుకుని ఉంటుందని భావిస్తున్నారు. టారా ఎయిర్‌కు చెందిన ఈ విమానం రిసార్ట్ పట్టణమైన పోఖరాలోని విమానాశ్రయం నుంచి బయల్దేరిన కొన్ని నిమిషాలకే అదృశ్యమైంది. హిమాలయ పర్వతాలను అధిరోహించే ప్రారంభ ప్రాంతమైన జోమ్‌సోమ్‌కు ఈ విమానం వెళ్లాల్సి ఉంది. నేపాల్‌లోని మ్యాగ్‌డి జిల్లాలో ఈ విమాన శకలాలు దగ్ధమైన స్థితిలో కనిపించాయి. మృతదేహాలు చుట్టుపక్కల విసిరేసినట్లు పడి ఉన్నాయి. సోలిఘోప్టె అటవీ ప్రాంతంలో విమాన శకలాలను కనుగొన్నట్లు నేపాల్ సాంస్కృతిక, పర్యాటక, పౌర విమానయాన శాఖల మంత్రి ఆనంద పొఖరేల్ చెప్పారు. ఈ ఎన్9-ఎహెచ్‌హెచ్ విమానంలో ఉన్న ఇద్దరు విదేశీయులు సహా అందరూ మృతి చెందారని ఆయన ఒక వార్తాసంస్థకు ఫోన్‌లో చెప్పారు. మృతుల్లో ముగ్గురు విమాన సిబ్బంది కాగా, ఇద్దరు పిల్లలు సహా 18 మంది నేపాలీయులు ఉన్నారని ఆయన వివరించారు. ఇద్దరు విదేశీయుల్లో ఒకరు చైనాకు చెందిన వారు కాగా, మరొకరు కువైట్‌కు చెందిన వారని ఆయన వెల్లడించారు. వాతావరణం సరిగా లేకపోవడం వల్ల పైలట్‌కు సరిగా కనపడక విమానం దేనినో ఢీకొని ఉంటుందని, దీంతో వెంటనే మంటలంటుకొని కూలిపోయి ఉంటుందని సంఘటన స్థలాన్ని పరిశీలించిన సహాయక సిబ్బంది తెలిపారు. అయితే విమానం కూలిపోవడానికి కారణమేంటో దర్యాప్తులో తేలాల్సి ఉందని నేపాల్ పౌర విమానయాన అధికారులు తెలిపారు. అయితే పెద్ద పేలుడు శబ్దం వినిపించిందని, మంటలు కనిపించాయని ఆ ప్రాంతంలో నివసించే కొంత మంది ప్రజలు చెప్పారు.
చిత్రం... నేపాల్‌లోని మ్యాగ్‌డి జిల్లాలో కొండ ప్రాంతాల్లో
కూలిపోయన విమానం
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.