అంతర్జాతీయం
ఎన్ని కష్టాలు ఎదురైనా ఐసిస్‌ను అంతం చేస్తాం
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్: సిరియాలో నరమేథం సృష్టిస్తున్న ఇస్లామిక్ స్టేట్ (ఐసిస్) ఉగ్రవాదులపై పోరాటాన్ని సాగించడం ‘కష్టతరం’గా ఉందని అమెరికా అధ్యక్షుడు బరాక్ ఒబామా అంగీకరించారు. అయినప్పటికీ అత్యంత కరడుగట్టిన ఆ ఉగ్రవాద సంస్థను నాశనం చేసి తీరుతామని, ఇందుకోసం సిరియాలో కొనసాగుతున్న సంఘర్షణకు తెరదించాల్సిన అవసరం ఉందని ఆయన ఉద్ఘాటించారు. ‘ఐసిస్ ఉగ్రవాదులపై పోరాటాన్ని సాగించడం కష్టతరంగా ఉంది. అయినప్పటికీ వారిని తుదముట్టించేందుకు మా శక్తియుక్తులన్నీ ఉపయోగిస్తాం. ఈ పోరాటంలో విజయం సాధించి సురక్షితమైన భవిష్యత్తుకు బాటలు వేయగలమని నేను గట్టిగా విశ్వసిస్తున్నా’ అని ఒబామా తన వారాంతపు ప్రసంగంలో పేర్కొన్నారు. సిరియాతో పాటు ఇరాక్‌లో ప్రస్తుతం పరిస్థితి సంక్లిష్టంగా ఉందని, అందుకే ఐసిస్ ఉగ్రవాదులపై పోరాడటం కష్టతరంగా ఉందని అన్నారు. సిరియాలో ఇస్లామిక్ స్టేట్ గ్రూపును ఓడించేందుకు అమెరికా కమెండోలు సిరియా ప్రజాతంత్ర దళాలుగా పిలిచే కుర్దు యోధులతోపాటు ఐసిస్‌కు వ్యతిరేకంగా పోరాడుతున్న ఇతర గ్రూపులతో కలసి పనిచేస్తున్నారని తెలిపారు. సిరియాలో ఎంతో బలంగా వేళ్లూనుకున్న ఐసిస్ ఉగ్రవాద సంస్థ అమాయక ప్రజలను రక్షణ కవచాలుగా ఉపయోగించుకుంటోందని, ఈ సవాళ్లు ఉన్నప్పటికీ అక్కడ ఉగ్రమూకలపై పోరాడటంలో అమెరికా బలగాలు పురోగతి సాధిస్తున్నాయని కచ్చితంగా చెప్పగలనని ఒబామా అన్నారు. అంతేకాకుండా ఐసిస్ ఉగ్రవాదులపై అన్ని వైపుల నుంచి దాడులను ముమ్మరం చేయాల్సిందిగా ఈ వారం తమ బృందాన్ని ఆదేశించినట్లు ఆయన స్పష్టం చేశారు.
ఐసిస్ ఉగ్రవాదులపై అమెరికా నేతృత్వంలో పోరాడుతున్న 66 దేశాల సంకీర్ణ కూటమి క్రమేణా బలపడుతోందని, ఈ పోరాటానికి మరిన్ని దేశాలు చేయూతనిస్తున్నాయని ఒబామా చెప్పారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.