అంతర్జాతీయం
పఠాన్‌కోట్.. భారత్ హైడ్రామా
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, ఏప్రిల్ 5: పాకిస్తాన్ తన నైజాన్ని మరోసారి చాటుకుంది. పఠాన్‌కోట్ వైమానిక కేంద్రంపై ఉగ్రవాద దాడిని పాక్ సంయుక్త దర్యాప్తు బృందం (జెఐటి) అంగీకరించినట్లే అంగీకరించి స్వదేశానికి వెళ్లిన తర్వాత అడ్డం తిరిగింది. పఠాన్‌కోట్‌లో ఉగ్రదాడి హైడ్రామా అని, అది భారత్ సృష్టించుకున్నదేనని, ఈ దాడి గురించి భారత అధికారులకు ముందే తెలుసని జెఐటి ఒక నివేదిక సిద్ధం చేసినట్లు పాక్ మీడియాలో వెల్లడైంది. కేవలం పాక్‌ను భ్రష్ఠు పట్టించడానికి భారత్ ‘పఠాన్‌కోట్ నాటకం’ ఆడిందని కూడా జెఐటి నివేదికలో ఉన్నట్లు తెలుస్తోంది. ఈ దాడిపై దర్యాప్తు జరిపేందుకు జెఐటి సభ్యులు మార్చి 29వ తేదీన పఠాన్‌కోట్‌ను సందర్శించిన విషయం తెలిసిందే. వైమానిక స్థావరంపై దాడికి పాల్పడిన ఉగ్రవాదులు అక్కడికి ఏ మార్గం గుండా వచ్చారన్న విషయాన్ని భారత జాతీయ దర్యాప్తు సంస్థ (ఎన్‌ఐఎ) అధికారులు ఈ సందర్భంగా జెఐటి సభ్యులకు వివరించారు. అయితే పఠాన్‌కోట్‌లో ఎన్‌ఐఎ అధికారులు అందజేసిన సాక్ష్యాధారాలతో జెఐటి సభ్యులు సంతృప్తి చెందలేదని వారం రోజుల క్రితం వార్తలు వెలువడగా, అసలు ఈ దాడి గురించి భారత అధికారులకు ముందుగానే తెలుసని జెఐటి భావిస్తున్నట్లు తాజా వార్తలు స్పష్టం చేస్తున్నాయి. పఠాన్‌కోట్‌లో దాడికి సంబంధించి భారత్ వద్ద బలమైన సాక్ష్యాధారాలేవీ లేవని, అయినప్పటికీ పాకిస్తాన్‌పై ‘దుష్ప్రచారాన్ని’ పెంచేందుకు ఈ దాడిని భారత్ ఒక సాధనంలా వాడుకుందని జెఐటి సభ్యుడు ఒకరు పేర్కొన్నట్లు ‘పాకిస్తాన్ టుడే’ పత్రిక వెల్లడించింది. అంతేకాకుండా పఠాన్‌కోట్‌లో దాడికి పాల్పడిన వారి గురించి భారత్‌కు ముందుగానే తెలుసని జెఐటి తన నివేదికలో అభిప్రాయపడిందని, త్వరలో ఈ నివేదికను పాక్ ప్రధాని నవాజ్ షరీఫ్‌కు అందజేయనున్నారని జెఐటి వర్గాలు తెలిపాయి.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.