అంతర్జాతీయం
తీరని నష్టం
S ,7 à 8 RSCA (si SASPAS) et 6 cialis pharmacie cialis rapports de stage.
మియామీ, సెప్టెంబర్ 11: భయానక ప్రకృతి విలయం ఇర్మా హరికేన్ ఫ్లోరిడాను గడగడలాడించింది. తీరాలను ఛిద్రం చేసింది. భయానక వేగంతో కూడిన పెనుగాలుల తాకిడికి చెట్లు కొట్టుకు పోయాయి. క్షణాల్లో ఓ బీభత్స దృశ్యం తాండవించింది. ప్రపంచ గాలులతో పాటు ప్రళయాన్ని తలపించే రీతిలో తలెత్తిన వరదల తాకిడికి ఇళ్లు, రోడ్లు మునిగిపోయాయి.మియామీలో అయితే భారీ క్రేనే్ల నేలకొరిగాయి. ఏకంగా 640 కిలోమీటర్ల వెడల్పు కలిగిన ఇర్మా హరికేన్ పెను వేగానికి ఏదీ తాళలేక నేలకొరిగింది. ఇప్పటికే ఫ్లోరిడా కీస్‌లో వేలాదిగా ప్రజల్ని సురక్షిత ప్రాంతాలకు తరలించడంతో ప్రాణ నష్టం తప్పింది. చివరి క్షణంలో హరికేన్ తీవ్రత తగ్గినప్పటికీ దాని విధ్వంస స్థాయి మారలేదు. ఇది దిశ మార్చుకోవడం తమకు కొంత ఊరట కలిగించిందని చెప్పిన అమెరికా అధ్యక్షుడు ట్రంప్ సహాయ చర్యల్ని యుద్ధ ప్రాతిపదికన చేపడతామన్నారు. హరికేన్ పెనుగాలుల తీవ్రతకు పశ్చిమ పామ్ బీచ్, మియామీలు తీవ్రంగా దెబ్బతిన్నాయి. ఏ క్షణంలోనైనా తక్కువ
తీవ్రతతో తంపాను ఇది తాకే అవకాశం ఉందంటూ హెచ్చరికలు అందుతున్నాయి. కేటగిరీ-4 తీవ్రత కలిగిన హరికేన్‌గా ఇర్మా ఫ్లోరిడా తీరాలను తాకినప్పటికీ అనంతరం గంటకు 177 పెను గాలుల తీవ్రత కలిగిన కేటగిరీ-2 హరికేన్‌గా బలహీన పడింది. అయినా దీని విధ్వంస తీవ్రత తగ్గలేదు. ‘నష్టం జరుగకూడదని ప్రార్థించండి’అని విజ్ఞప్తి చేసిన ఫ్లోరిడా గవర్నర్ రిక్ స్కాట్ ముందస్తుగానే రాష్ట్రం నుంచి లక్షన్నర మందిని సురక్షిత ప్రాంతాలకు తరలించామన్నారు. ఈ ప్రకృతి విలయానికి ఎంత మంది మరణించారన్నదానిపై అధికారికంగా ఎలాంటి సమాచారం లేదు. దిగువన ఉన్న కీస్ ప్రాంతంలో అలలు ఎగిసి పడ్డాయి. దాదాపు మూడు మీటర్ల ఎత్తుకు ఎగిసిన వీటి ప్రభావానికి ఇళ్ల నుంచే వస్తువులు బయటికి కొట్టుకొచ్చాయి. తమ రాష్ట్రంపై ఇర్మా ప్రభావం ఎంత, ఎంత మేర ఆస్తుల విధ్వంసం జరిగిందన్న దానిపై అధికారికంగా ఎలాంటి సమాచారం లేదని మాన్రో కౌంటి అధికారి ఒకరు తెలిపారు. హరికేన్ తీవ్రత తగ్గడంతో అది తుపాను స్థాయికి చేరుకున్నా దాని ప్రభావం మాత్రం హరికేన్ స్థాయి తగ్గలేదని అధికారులు తెలిపారు. జార్జియా దిశగా కూడా ఇది దూసుకెళ్లే అవకాశం ఉందన్న సంకేతాలూ వ్యక్తమవుతున్నాయి. సహాయ బృందాలను పెద్ద ఎత్తున రంగంలోకి దింపినప్పటికీ అన్ని ప్రాంతాలు జలమయం కావడం వల్ల ఈ చర్యలకు తీవ్ర విఘాతం ఏర్పడింది. చిన్న పడవల్ని ఉపయోగించుకుని మరి ఇంటింటికీ వెళుతున్న సహాయ బృందాలు అందిన వారిని అందినట్టుగా సురక్షిత ప్రాంతాలకు తరలించారు.
చిత్రం..ఛిద్రమైన ఫ్లోరిడా పరిస్థితికి దర్పణం ఈ చిత్రం
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.