అంతర్జాతీయం
బాధితులను ఆదుకుంటాం
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, సెప్టెంబర్ 11: ఇర్మా హరికేన్ కారణంగా తలెత్తిన బీభత్సాన్ని ఎదుర్కొనేందుకు సర్వసన్నద్ధంగా ఉన్నామని, ఇందుకోసం ఎలాంటి చర్యలు తీసుకోవడానికైనా సంసిద్ధమని అమెరికా అధ్యక్షుడు డొనాల్డ్ ట్రంప్ ప్రకటించారు. భయానక గాలులు, వానతో ఫ్లోరిడా తీరాలను ఇర్మా హరికేన్ చుట్టేయడంతో తీవ్రస్థాయిలోనే నష్టం వాటిల్లింది. బాధితులను ఆదుకునేందుకు అవసరమైన అన్ని చర్యలు తీసుకుంటామని హార్వీ హరికేన్ విపత్తు నుంచి కోలుకోకుండానే ఈ రెండో భయానక పెనుతుపాను అమెరికాను చుట్టుముట్టిందని ట్రంప్ తెలిపారు. 9/11 సంస్మరణ దినోత్సవం సందర్భంగా పెంటగాన్‌లో జరిగిన ఒక కార్యక్రమంలో మాట్లాడిన ట్రంప్ ‘రెండు బీభత్స తీవ్రత కలిగిన హరికేన్లు చుట్టుముట్టిన అమెరికా కోలుకోగలిగింది. బాధితులను అన్ని విధాలా ఆదుకునేందుకు నా ప్రభుత్వం సిద్ధంగా ఉంది. ఫ్లోరిడాతోపాటు అల్బామా, జార్జియా, టెక్సాస్ రాష్ట్రాల్లోని బాధితులను ఆదుకుంటామన్నారు. ‘ఒకే అమెరికా.. మనందరి మాట ఒక్కటే.. ఇది ఆపద సమయం.. ఎంతగా చేతులు కలిపితే అంతగా శక్తిమంతం అవుతాం. ఎలాంటి భయం లేకుండా నిబద్ధతతో ఈ సవాల్‌ను అధిగమించగలుగుతాం’ అని తెలిపారు. ఇర్మా హరికేన్ చివరిక్షణంలో దిశ మార్చుకోవడం పట్ల తాము బతికిపోయామంటూ అమెరికా అధ్యక్షుడు డొనాల్డ్ ట్రంప్ వ్యాఖ్యానించారు. హరికేన్ తూర్పు తీరం దిశగా కాకుండా ఫ్లోరిడాలోని పశ్చిమ తీరం దిశగా సాగడం వల్ల ఈ ఊరట కలిగిందన్నారు. దీని తీవ్రత కూడా చివరి క్షణలో కొంతమేర తగ్గడం వల్ల విధ్వంస స్థాయి కూడా ఊహించినంతగా ఉండకపోవచ్చునని పేర్కొన్నారు.
చిత్రం..ఇర్మా హరికేన్ తీవ్రతకు నీట మునిగిన ఫ్లాలోని జాక్సన్‌విల్లె
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.