అంతర్జాతీయం
మళ్లీ... హెచ్-1బి వీసాల పరిశీలన పునఃప్రారంభం
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, సెప్టెంబర్ 19: దాదాపు అయిదు నెలల క్రితం నిలిపివేసిన హెచ్-1బి వర్క్ వీసాల పరిశీలన ప్రక్రియను అమెరికా తిరిగి ప్రారంభించింది. అమెరికా వెళ్లే భారతీయ ఐటి నిపుణులందరు కూడా దాదాపుగా ఈ హెచ్-1బి వీసాలపైనే వెళ్తుండడం తెలిసిందే. కాగా, ఈ వర్క్ వీసాల కోసం దరఖాస్తులు భారీ సంఖ్యలో రావడంతో అమెరికా సిటిజన్, ఇమిగ్రేషన్ సర్వీసెస్ (యుఎస్‌సిఐఎస్) గత ఏప్రిల్‌లో ఈ దరఖాస్తుల పరిశీలన ప్రక్రియను తాత్కాలికంగా నిలిపివేసింది. అయితే 2018 ఆర్థిక సంవత్సరానికి ఉన్న పరిమితికి లోబడి అన్ని కేటగిరీల హెచ్-1బి వీసాల దరఖాస్తుల ప్రీమియం ప్రాసెసింగ్‌ను సోమవారం తిరిగి ప్రారంభించినట్లు యుఎస్‌సిఐఎస్ ఒక ప్రకటనలో తెలిపింది. 2018 ఆర్థిక సంవత్సరానికి అమెరికా కాంగ్రెస్ హెచ్-1బి వీసాల సంఖ్యను 65 వేలకు పరిమితం చేసిన విషయం తెలిసిందే. ఏప్రిల్ వరకు వచ్చిన దరఖాస్తులను పరిశీలిస్తున్నట్లు ఆ ప్రకటనలో తెలిపింది. వీటితో పాటుగా అమెరికా ఉన్నత విద్యా డిగ్రీలు కలిగిన ఉద్యోగులను తీసుకోవడం కోసం వచ్చిన 20 వేల దరఖాస్తులను కూడా పరిశీలిస్తున్నట్లు తెలిపింది. వీసాల మంజూరు ప్రక్రియను 15 రోజుల్లో పూర్తి చేయకపోతే దరఖాస్తుదారుడికి ప్రాసెసింగ్ ఫీజును వాపసు చేస్తామని కూడా యుఎస్‌సిఐఎస్ తెలిపింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.