అంతర్జాతీయం
కాశ్మీర్ సమస్యకు చర్చలే పరిష్కారం
S ,7 à 8 RSCA (si SASPAS) et 6 cialis pharmacie cialis rapports de stage.
బీజింగ్, సెప్టెంబర్ 22: భారత్, పాకిస్తాన్‌లు ద్వైపాక్షిక చర్చల ద్వారా కాశ్మీర్ వివాదాన్ని పరిష్కరించుకోవాలని చైనా శుక్రవారం సూచించింది. కాశ్మీర్ వివాదానికి సంబంధించి ఐక్యరాజ్య సమితి (ఐరాస) తీర్మానాన్ని అమలు చేయాలని ఇస్లామిక్ దేశాల సహకార సంస్థ (ఒఐసి) ఇచ్చిన పిలుపును చైనా ఖండించింది. కాశ్మీర్ వివాదంపై ఒఐసి చేసిన తీర్మానం గురించి ప్రశ్నించగా, చైనా విదేశీ వ్యవహారాల మంత్రిత్వ శాఖ అధికార ప్రతినిధి లు కాంగ్ బదులిస్తూ ఈ వివాదాన్ని భారత్, పాకిస్తాన్‌లే పరిష్కరించుకోవాలని అన్నారు. కాశ్మీర్ వివాదంపై చైనా వైఖరి చాలా స్పష్టంగా ఉందని లు కాంగ్ పేర్కొన్నారు.
‘కాశ్మీర్ వివాదం చారిత్రకంగా వచ్చింది. భారత్, పాకిస్తాన్ చర్చలను, సంప్రదింపులను పెంపొందించుకోగలవని, సంబంధిత వివాదాలను పరిష్కరించుకోగలవని, తద్వారా ఇరు దేశాలు కలిసి ప్రాంతీయంగా శాంతి, స్థిరత్వాలను పరిరక్షించగలవని చైనా విశ్వసిస్తోంది’ అని లు కాంగ్ అన్నారు. పాకిస్తాన్ కూడా సభ్యురాలిగా ఉన్న 57 దేశాల ఒఐసి కాశ్మీర్ వివాదంపై ఐరాస తీర్మానాన్ని అమలు చేయాలని డిమాండ్ చేస్తూ తీర్మానించడం పరిపాటిగా మారింది. ఐరాస జనరల్ అసెంబ్లీ జరుగుతున్న నేపథ్యంలో ఒఐసి కాంటాక్ట్ గ్రూప్ రెండు రోజుల క్రితం సమావేశమైంది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.