అంతర్జాతీయం
అడ్డంగా.. దొరికిన పాక్
S ,7 à 8 RSCA (si SASPAS) et 6 cialis pharmacie cialis rapports de stage.
ఐక్యరాజ్య సమితి, సెప్టెంబర్ 24: అబద్ధం అడినా అతికినట్లు ఉండాలని పెద్దలు అంటారు. అయితే ఐక్యరాజ్య సమితి వేదికగా భారత్‌ను దోషిగా నిలబెట్టడానికి ప్రయత్నించిన పాకిస్తాన్ ఏమాత్రం పొంతన లేని అబద్ధం ఆడి అడ్డంగా దొరికిపోయింది. పాకిస్తాన్ ఉగ్రవాద కర్మాగారంగా మారిందంటూ శనివారం భారత విదేశాంగ మంత్రి సుష్మాస్వరాజ్ ఐక్యరాజ్య సమితి జనరల్ అసెంబ్లీలో ప్రసంగిస్తూ చేసిన ఆరోపణలను ఖండించే సమయంలో పాక్ ఈ ఘోర తప్పిదం చేసింది. ఐరాస సర్వ ప్రతినిధి సభలో సుష్మాస్వరాజ్ మాట్లాడిన తర్వాత పాక్ ప్రతినిధి మలీహా లోధీ మాట్లాడారు. సుష్మాస్వరాజ్ పాక్‌పై చేసిన ఆరోపణలను ఖండిస్తూ, వాస్తవానికి భారతే రెచ్చగొట్టే చర్యలకు పాల్పడుతోందని, కాశ్మీర్‌లో పెద్ద ఎత్తున మానవ హక్కుల ఉల్లంఘనలకు పాల్పడుతోందని ఆరోపిస్తూ, ముఖమంతా తీవ్రగాయాలతో ఉన్న ఓ యువతి ఫోటోను చూపిస్తూ, కాశ్మీర్‌లో భద్రతా దళాల పెల్లెట్ల దాడికి గురయిన మహిళగా పేర్కొన్నారు. అయితే వాస్తవానికి ఆ ఫోటోలో ఉన్న యువతిది కాశ్మీర్ కాదు... గాజా ప్రాంతం. 17 ఏళ్ల ఆ యువతి అసలు పేరు రవ్యా అబూ జోమా. 2014లో గాజా ప్రాంతంపై జరిగిన ఇజ్రాయెల్ వైమానిక దాడిలో ఆమె తీవ్రంగా గాయపడింది. గాజా సిటీలోని షిఫా ఆస్పత్రిలో దీనంగా ఉన్న ఆ యువతిని అమెరికాకు చెందిన ప్రముఖ ఫోటో జర్నలిస్టు హైదీ లెవిన్ తీశారు. హృదయ విదారకంగా ఉన్న ఆ ఫోటోకు అప్పట్లో లెవిన్‌కు అవార్డు కూడా వచ్చింది. బ్రిటన్‌కు చెందిన ‘గార్డియన్’ దినపత్రిక వెబ్‌సైట్‌లో ఇప్పటికీ ఆ ఫోటో ఉంది. సోషల్ మీడియాలో లోధీ ఇలాంటి తప్పుడు ఫోటోను ఉపయోగించుకోవడం విస్తృతంగా ప్రచారం అయిన తర్వాత సామాజిక మాధ్యమాన్ని చురుగ్గా ఉపయోగించుకునే ఆమె దీనిపై ఎలాంటి వివరణా ఇవ్వలేదు. కాగా, లోధీ తన అబద్ధపు ఆరోపణలకోసం ఇలాంటి ఫోటోను ఉపయోగించుకోవడంపై పిటిఐ వార్తాసంస్థ ప్రశ్నించినప్పుడు ఐక్యరాజ్య సమితి జనరల్ అసెంబ్లీలోని పాకిస్తాన్ శాశ్వత దౌత్య కార్యాలయం కూడా వెంటనే స్పందించలేదు.
చిత్రం..గాజా యువతిని కాశ్మీరీగా చూపిస్తూ ఐరాస వేదికపై ప్రసంగిస్తున్న పాక్ ప్రతినిధి మలీహా లోధీ
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.