అంతర్జాతీయం
ఫోకల్ పర్సన్‌ను నియమించండి
S ,7 à 8 RSCA (si SASPAS) et 6 cialis pharmacie cialis rapports de stage.
లాహోర్, సెప్టెంబర్ 24: ముంబయిపై ఉగ్రవాద దాడి కేసులో 24 మంది భారతీయుల వాంగ్మూలాలను నమోదు చేయడం కోసం వారిని ఇక్కడికి రప్పించాలని, ఈ విషయంపై కేంద్రీకరించడానికి ఒక ఫోకల్ పర్సన్‌ను నియమించాలని ఈ కేసులోని ఏడుగురు నిందితులను విచారిస్తున్న పాకిస్తాన్ కోర్టు ఫెడరల్ ఇనె్వస్టిగేషన్ ఏజెన్సీ (ఎఫ్‌ఐఎ)ని ఆదేశించింది. ముంబయిపై దాడి సూత్రధారి జకీఉర్ రెహ్మాన్ లఖ్వీ, అబ్దుల్ వాజిద్, మఝర్ ఇక్బాల్, హమద్ అమీన్ సాదిక్, షాహిద్ జమీల్ రియాజ్, జమీల్ అహ్మద్, యూనిస్ అంజుమ్‌లు హత్యలకు, హత్యాప్రయత్నాలకు పురికొల్పినట్లు, దాడికి పథకం పన్ని అమలు చేసినట్లు అభియోగాలను ఎదుర్కొంటున్నారు. ఏడు సంవత్సరాలకు పైగా కాలం నుంచి కొనసాగుతున్న ఈ కేసు విచారణను ముగించడానికి భారత్‌కు చెందిన సాక్షుల వాంగ్మూలాలను నమోదు చేయడం అవసరమని ప్రాసిక్యూషన్ తెలిపింది. ఈ కేసులో నిందితులను విచారించడానికి తగినన్ని ఆధారాలను ఇప్పటికే పాకిస్తాన్‌కు అప్పగించామని పేర్కొంటూ, అందువల్ల ఈ కేసు విచారణను వీలయినంత త్వరగా ముగించాలని భారత్ పాకిస్తాన్‌ను కోరుతూ వస్తోంది. ముంబయిపై దాడి కేసును పునఃదర్యాప్తు చేయాలని, జమాత్ ఉద్ దావా (జెయుడి) చీఫ్ హఫీజ్ సరుూద్‌ను ఈ కేసులో విచారించాలని భారత్ కోరుతోంది. సరుూద్ ప్రస్తుతం ఉగ్రవాద వ్యతిరేక చట్టం కింద ప్రస్తుతం లాహోర్‌లో గృహనిర్బంధంలో ఉన్నాడు. పాకిస్తాన్‌లోని ఉగ్రవాద వ్యతిరేక కోర్టు గత వారం రావల్పిండిలోని అడియాలా జైలులో ముంబయిపై ఉగ్రవాద దాడి కేసును విచారించింది. ఈ సందర్భంగా ఈ కేసులోని భారత్‌కు చెందిన సాక్షులను కోర్టు ముందుకు రప్పించడానికి తగిన చర్యలు తీసుకునేందుకు ఒక ఫోకల్ పర్సన్‌ను నియమించాలని ఎఫ్‌ఐఎ డైరెక్టర్ జనరల్‌ను కోర్టు ఆదేశించింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.