అంతర్జాతీయం
ఐపికెఎఫ్‌కు ఐరాస అవార్డు
S ,7 à 8 RSCA (si SASPAS) et 6 cialis pharmacie cialis rapports de stage.
ఐరాస, అక్టోబర్ 17: దక్షిణ సూడాన్‌లో విధులు నిర్వర్తిస్తున్న 50 మంది సభ్యులుగల భారత శాంతి రక్షక దళానికి ఐక్యరాజ్య సమితి పతకం లభించింది. అనిశ్చిత పరిస్థితులో కల్లోలంగా మారిన దక్షిణ సూడాన్‌లో ప్రజలకు భద్రత కల్పించడం, శాంతిని నెలకొల్పడంతో ఇండియన్ పీస్ కీపింగ్ టీమ్ (ఐపికెఎఫ్) అంకితభావంతో పనిచేస్తోంది. వారి సేవలను గుర్తిస్తూ ఈ అవార్డును ఇచ్చారు. యుఎన్ మిషన్ ఇన్ సౌత్ సూడాన్ (యుఎన్‌ఎంఐఎస్‌ఎస్)తో కలిసి భారత బృందం అక్కడ విధులు నిర్వర్తిస్తోంది. దక్షిణ సూడాన్‌లోని జొంగ్లయి ప్రాంతంలో బోర్‌లో ఇండియన్ బెటాలియన్ ఏర్పాటైంది. ఇటీవలే భారత శాంతి పరిరక్షక దళానికి యుఎన్‌ఎంఐఎస్‌ఎస్ కమాండర్ జనరల్ ఫ్రాంక్ ముషాయో కమాంజీ అవార్డును ప్రదానం చేశారు. ‘జొంగ్లయిలో పౌరుల రక్షణకు, శాంతిని నెలకొల్పడానికి భారత దళం భేషయిన సేవలు అందిస్తోంది. వారి ధైర్యసాహసాలు, విధి నిర్వహణలో అంకితభావం మరువలేం’ అని ఫ్రాంక్ ప్రశంసలు కురిపించారు. జొంగ్లయి స్థానిక ప్రభుత్వం కూడా ఇండియన్ పీస్ కీపర్స్‌ను పొగడ్తలతో ముంచెత్తింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.