అంతర్జాతీయం
షింజోకే మళ్లీ పట్టం
S ,7 à 8 RSCA (si SASPAS) et 6 cialis pharmacie cialis rapports de stage.
టోక్యో, అక్టోబర్ 23: జపాన్ జాతీయ ఎన్నికల్లో ప్రధాని షింజో అబే సారథ్యంలోని లిబరల్ డెమొక్రటిక్ పార్టీ మూడింట రెండొంతుల మెజార్టీతో ఘన విజయం సాధించింది. మొత్తం 465స్థానాలు కలిగిన పార్లమెంట్ దిగువ సభలో మరో చిన్న భాగస్వామ్య పక్షంతో కలిసి 312 సీట్లను గెలుచుకుంది. ఈ విజయంతో లిబరల్ డెమొక్రటిక్ పార్టీ నాయకుడిగా మరో మూడేళ్ల పాటు షింజో అబే ఎన్నికయ్యే అవకాశాలు మరింతగా బలపడ్డాయి. అది జరిగితే 2021 వరకూ దేశ ప్రథానిగా ఆయనే కొనసాగే అవకాశం ఉంటుంది. అలాగే జపాన్ పాసిఫిస్ట్ రాజ్యాంగాన్ని సవరించేందుకూ ఈ విజయం షింజేకు మరింతగా దోహదం చేస్తుంది. ఉత్తర కొరియాపై మరింత కరకుగా వ్యవహరించడం, అమెరికాతో సత్సంబంధాలను కొనసాగించే విషయంలో ఎలాంటి మార్పు లేకుండా షింజే ముందుకెళ్లే అవకాశం ఉంటుంది. జపాన్ ఓటర్లు తన విధానాలను పూర్తిగా సమర్థించారని చెప్పడానికి ఎన్నికల ఫలితాలే నిదర్శనమని అబే అన్నారు. అలాగే తన రాజకీయ నాయకత్వమే కొనసాగాలని వారు కోరుకుంటున్నట్టుగా కూడా ఈ మెజార్టీ తీర్పు స్పష్టం చేస్తోందని తెలిపారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.