అంతర్జాతీయం
సిరియాలో ఐసిస్ దాడి: 75 మంది మృతి
S ,7 à 8 RSCA (si SASPAS) et 6 cialis pharmacie cialis rapports de stage.
బీరూట్, నవంబర్ 5: ‘ఇస్లామిక్ స్టేట్’ ఉగ్రవాద సంస్థ సిరియాలో జరిపిన కారుబాంబు దాడిలో కనీసం 75 మరణించారు. ఈశాన్య సిరియాలోని డీర్ ఎజొర్ ప్రాంతంలో జనంతో రద్దీగా ఉన్న ప్రాంతంలో శనివారం జరిగిన ఈ ఘటనలో పిల్లలు సహా 75 మంది ప్రాణాలు కోల్పోయారు. ఉగ్రవాదులు జరిపిన ఈ విధ్వంసకాండలో సుమారు 140 మంది గాయపడ్డారని సిరియాలో మానవ హక్కుల పర్యవేక్షణ సంస్థ అధిపతి రమీ అబ్దెల్ రెహ్మాన్ తెలిపారు. సిరియాలో ఉగ్రదాడులు నిత్యకృత్యం కావడంతో డీర్ ఎజొర్ ప్రావిన్స్‌కు చెందిన వేలాది మంది పౌరులు దుర్భర జీవనం గడుపుతున్నారు. కొందరైతే శరణార్థులుగా ఇతర ప్రాంతాలకు వలసపోతున్నారు. సిరియా ప్రజాస్వామ్య దళాల (ఎస్‌డిఎఫ్) అధీనంలో ఉన్న ప్రాంతంలోనే శనివారం ఐసిస్ ఉద్రవాదులు కారుబాంబును పేల్చారు. ఈ ప్రాంతంలోనే శరణార్థులు అధిక సంఖ్యలో తలదాచుకుంటున్నారు. డీర్ ఎజొర్‌లోని పౌరులపై ఐసిస్ దాడి జరపడం ఇదే ప్రథమం కాదు. గత నెల 12న జరిగిన కారుబాంబు దాడిలో 18 మంది మరణించారు. మృతుల్లో పౌరులతో పాటు ఖుర్దిష్ భద్రతా దళానికి చెందిన వారు కూడా ఉన్నారు. ఐసిస్ దాడుల కారణంగా లక్షలాది మంది పౌరులు ముఖ్యంగా చిన్నారులు భయంతో గడుపుతున్నారని సిరియాలోని ‘సేవ్ ది చిల్డ్రన్’ సంస్థ డైరెక్టర్ సోనియా ఖుష్ ఆందోళన వ్యక్తం చేశారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.