అంతర్జాతీయం
వైభవంగా బ్రిటిష్ రాణి జన్మదిన వేడుకలు
S ,7 à 8 RSCA (si SASPAS) et 6 cialis pharmacie cialis rapports de stage.
లండన్, జూన్ 11: బ్రిటిష్ రాణి రెండవ ఎలిజబెత్ 90వ అధికారిక పుట్టిన రోజు వేడుకలు శనివారం కన్నుల పండువగా జరిగాయి. సెంట్రల్ లండన్‌లో జరిగిన కలర్ పరేడ్ ఈ వేడుకలకు హైలైట్‌గా నిలిచింది. 1600పైగా సైనికులు, 300 గుర్రాలు హార్స్ గార్డ్స్ పరేడ్‌లో పాలుపంచున్నాయి. రాణి ఎలిజబెత్, ఇతర కుటుంబ సభ్యులు బకింగ్‌హామ్ ప్యాలెస్ బాల్కనీపైనుంచి రాయల్ ఎయిర్‌ఫోర్స్‌కు చెందిన విమానాలు నిర్వహించిన ఫ్లైపాస్ట్‌ను తిలకించారు. థేమ్స్ నదిలో జరిగిన పడవల ప్రదర్శనలో పలు పురాతన పడవలు సైతం పాలుపంచుకున్నాయి. బ్రిటన్‌లోని అనేక నగరాల్లో సైతం ఈ వేడుకలు జరిగాయి. పరేడ్‌ను తిలకించడానికి ముదురు లైమ్ గ్రీన్ కోట్, పూలతో అలంకరించిన అదేరంగు టోపీ ధరించిన రాణి గుర్రపు బగ్గీలో బకింగ్‌హామ్ ప్యాలెస్‌నుంచి యువరాజు (డ్యూక్ ఆఫ్ ఎడింబరో) ఫిలిప్‌తో కలిసి బయలుదేరినప్పుడు మార్గానికి ఇరువైపులా పెద్ద సంఖ్యలో జనానికి అభివాదం చేస్తూ ముందుకు సాగారు. రాణి అధికారిక పుట్టిన రోజు వేడుకలు జరుపుకోవడానికి దేశవ్యాప్తంగా అనేక నగరాల్లో శుక్రవారంనుంచి ఆదివారం దాకా మూడు రోజులపాటు రకరకాల కార్యక్రమాలు జరుగుతున్నాయి. రాణి ప్రతి ఏటా రెండుసార్లు పుట్టిన రోజు వేడుకలు జరుపుకొంటారు. ఆమె అసలు పుట్టిన రోజయిన ఏప్రిల్ 21న ఒకసారి, జూన్ నెలలో ఒక శనివారం మరోసారి అధికారిక పుట్టినరోజు జరుపుకొంటారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.