అంతర్జాతీయం
రెండుగా చీలిన ఎన్‌ఎస్‌జి
S ,7 à 8 RSCA (si SASPAS) et 6 cialis pharmacie cialis rapports de stage.
బీజింగ్, జూన్ 12: అణు సరఫరా దేశాల గ్రూపు (ఎన్‌ఎస్‌జి)లో భారత్‌కు సభ్యత్వం కల్పించడానికి అమెరికా గట్టిగా ప్రయత్నిస్తున్నప్పటికీ, అణ్వస్త్ర వ్యాప్తి నిరోధక ఒప్పందం (ఎన్‌పిటి)పై సంతకం చేయని దేశాలను గ్రూపులో చేర్చుకోవడంపై ఎన్‌ఎస్‌జి రెండుగా చీలిపోయి ఉందని చైనా అంటోంది. అంతేకాదు ఈ నెల 9న వియన్నాలో జరిగిన ఎన్‌ఎస్‌జి సమావేశంలో గ్రూపులో చేరడానికి భారత్, మరికొన్ని దేశాలు చేస్తున్న ప్రయత్నాలపై ఎలాంటి చర్చా జరగలేదని కూడా వాదిస్తోంది. ‘అణ్వస్త్ర వ్యాప్తి నిరోధక ఒప్పందంపై సంతకం చేయని భారత్ లేదా ఇతర ఏ దేశాన్నయనా ఎన్‌ఎస్‌జిలో చేర్చుకోవడంపై వియన్నాలో ఎలాంటి చర్చా జరగలేదు’ అని చైనా విదేశాంగ శాఖ ప్రతినిధి హోంగ్ లీ ఈ వారం వియన్నాలో జరిగిన సమావేశాన్ని ప్రస్తావిస్తూ ఒక ప్రకటనలో తెలిపారు. ఎన్‌ఎస్‌జి చైర్‌పర్సన్, అర్జెంటీనా రాయబారి రఫాయెల్ మారియానో గ్రోసీ ఈ నెల 9న వియన్నాలో ఎన్‌ఎస్‌జి అనధికారిక సమావేశాన్ని ఏర్పాటు చేసినట్లు ఆయన చెప్పారు. ఈ సమావేశానికి ఎలాంటి అజెండా లేదని ఎన్‌ఎస్‌జిలోని సభ్యులందరి అభిప్రాయాలను తెలుసుకొని ఈ నెల 24న సియోల్ జరగబోయే ప్లీనరీ సమావేశంలో ఒక నివేదిక సమర్పించడానికి ఈ సమావేశాన్ని ఏర్పాటు చేసినట్లు చైర్‌పర్సన్ చెప్పారని హోంగ్ లీ చెప్పారు. అయితే వియన్నా సమావేశంలో భారత్ సభ్యత్వంపై చర్చ జరిగిందని, చర్చలు అసంపూర్తిగా ముగిశాయని ఇంతకుముందు అక్కడి దౌత్యవర్గాలు తెలిపాయి.
ఎన్‌పిటిపై సంతకం చేయని దేశాలను ఎన్‌ఎస్‌జిలో సభ్యులుగా చేర్చుకోరాదని, దానివల్ల అణ్వస్త్ర వ్యాప్తిని అడ్డుకోవడానికి జరుపుతున్న కృషి నీరుగారిపోతుందని చైనా మొదటినుంచీ వాదిస్తోంది. భారత్‌ను చేర్చుకోవడంపై ఎన్‌ఎస్‌జిలో నిర్మాణాత్మక చర్చ జరగాలని హోంగ్ అన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.