అంతర్జాతీయం
ఎన్‌ఎస్‌జీకి భారత్ దగ్గరవుతోంది.. జాగ్రత్త!
S ,7 à 8 RSCA (si SASPAS) et 6 cialis pharmacie cialis rapports de stage.
బీజింగ్, జూన్ 16: అణు ఇంధన సరఫరా దేశాల గ్రూప్ (ఎన్‌ఎస్‌జి)లో సభ్యత్వం సాధించే దిశగా భారత్ దూసుకుపోతోందని చైనా అధికార మీడియా అక్కడి ప్రభుత్వాన్ని హెచ్చరించింది. ఎన్‌ఎస్‌జిలోకి భారత్ చేర్చుకోవటం వల్ల దక్షిణాసియాలో వ్యూహాత్మక సంతులనం దెబ్బతినే ప్రమాదం ఉందని అక్కడి మీడియా పేర్కొంది. భారత ప్రధాన మంత్రి నరేంద్ర మోదీ అమెరికా, స్విట్జర్లాండ్, మెక్సికోలలో పర్యటించి ఎన్‌ఎస్‌జిలో సభ్యత్వానికి మద్దతును కూడగట్టారని చైనా మీడియా గ్లోబల్ టౌమ్స్ వ్యాఖ్యానించింది. ఫ్యుగ్జియాకియాంగ్ అనే పరిశోధక విద్యార్థి దీనికి సంబంధించి విపులమైన వ్యాసాన్ని రాశారు. ‘ఎన్‌ఎస్‌జీలో భారత్ సభ్యురాలు అయితే, పౌర అణు ఇంధన వ్యాపారం ద్వారా ఆ దేశానికి అణుశక్తిగా చట్టబద్ధమైన ఆమోదం లభిస్తుంది’ అని ఆందోళన వ్యక్తం చేశారు. ఒకసారి భారత్‌కు సభ్యత్వం లభిస్తే పౌర అణు ఇంధన పరిజ్ఞానాన్ని, ఇంధనాన్ని భారత్ కొనుగోలు చేసి వాటిని సైనిక అవసరాల కోసం భద్రపరుచుకుంటుందని హెచ్చరించారు. ఎన్‌ఎస్‌జిలో చేరడం వెనుక భారత ప్రధాన లక్ష్యం అణు సామర్థ్యంలో పాకిస్తాన్‌పై పైచేయి సాధించటమేనని స్పష్టం చేశారు. దీనివల్ల భారత్, పాకిస్తాన్‌ల మధ్య అణు సంతులనం దెబ్బతింటుందని హెచ్చరించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.