అంతర్జాతీయం
కేసులు కాదు.. అవార్డు ఇవ్వండి..
S ,7 à 8 RSCA (si SASPAS) et 6 cialis pharmacie cialis rapports de stage.
లండన్, జనవరి 9: ‘ఆధార్’ సమాచారాన్ని సామాజిక మాధ్యమాల్లో విక్రయిస్తున్నట్లు పరిశోధనాత్మక వార్తా కథనాన్ని అందించిన జర్నలిస్టుకు అవార్డు ఇవ్వడానికి బదులు కేసులు పెట్టడం దారుణమని అమెరికాకు చెందిన సిఐఏ మాజీ ఉద్యోగి ఎడ్వర్డ్ స్నోడెన్ ‘ట్విట్టర్’లో పేర్కొన్నారు. ‘ఆధార్’ వివరాలకు గోప్యత లేదంటూ చండీగఢ్‌కు చెందిన ‘ది ట్రిబ్యూన్’ పత్రికకు చెందిన మహిళా జర్నలిస్టు సాహసోపేతంగా వార్తా కథనాన్ని అందించారని ఆయన అభినందించారు. ఇంతటి ఘనతను సాధించిన జర్నలిస్టుకు అవార్డుతో సత్కరించాలే తప్ప, ఆమెపై ఎఫ్‌ఐఆర్ నమోదు చేసి విచారణకు ఆదేశించడం ప్రభుత్వానికి తగదని ఆయన అన్నారు. భారత్‌లో వ్యక్తిగత గోప్యతకు భంగం కలిగిస్తున్న విధానాలను సంస్కరించాలన్నారు. ‘న్యాయం చేయాలన్న ఉద్దేశం ప్రభుత్వానికి నిజంగా ఉంటే సంస్కరణలు చేపట్టాలి, గోప్యతకు భంగం కలిగించేవారిని అరెస్టు చేయాలి, ఇది జరగాలంటే ‘ఆధార్’ వ్యవస్థను పర్యవేక్షిస్తున్న ‘యుఏడిఏఐ’ అధికారులపై చర్యలు తీసుకోవాలన్నారు. అమెరికా గూఢచార సంస్థ రహస్య సమాచారాన్ని బహిర్గతం చేసి గతంలో సంచలనం సృష్టించిన 34 ఏళ్ల స్నోడెన్ 2013 నుంచి రష్యాలో ఉంటున్నారు. కంప్యూటర్ రంగంలోనూ అనుభవం ఉన్న ఆయన అమెరికాలో ఉన్నపుడు కాంట్రాక్టర్‌గా పనిచేశారు. ఓ నిఘా సంస్థలో పనిచేస్తూ కీలక రహస్యాలను తెలుసుకుని పత్రికలకు అందించేవారు. భారత్‌లో ‘ఆధార్’ వివరాలను విక్రయిస్తున్నారన్న వార్తా కథనాన్ని చదివి స్నోడెన్ స్పందించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.