అంతర్జాతీయం
ఖగోళంలో మరో అద్భుతం
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, జనవరి 23: భూమికి దగ్గరగా ఉన్న మరో మధ్యస్థాయి గ్రహ శకలం పుడమి దిశగా దూసుకువస్తోంది. ఫిబ్రవరి 4న ఈ ఖగోళ ఘటన జరిగే అవకాశం ఉందని ఏజే 129 అనే గ్రహశకలం భూమికి సమీపం నుంచి దూసుకుపోయినా ఎలాంటి ముప్పు ఉండదని అమెరికా అంతరిక్ష పరిశోధన సంస్థ(నాసా) వెల్లడించింది. ఈ గ్రహ శకలం భూమికి అతి దగ్గరగా వచ్చినా దీనికి మనకు మధ్య ఉండే దూరం భూమికి, చంద్రుడికి మధ్య ఉండే దూరం కంటే పది రెట్లు ఎక్కువని నాసా తెలిపింది. అంటే 4.2 మిలియన్ కిలోమీటర్ల దూరం నుంచి ఈ గ్రహశకలం భూమిని దూసుకుపోతుందని వివరించింది. గత 14 సంవత్సరాలుగా ఈ గ్రహశకల భ్రమణ తీరును తాము గమనిస్తునే వస్తున్నామని, ఇప్పుడు కచ్చితంగా అది భూమికి ఎంత చేరువుగా రాబోతుంది ఎంత వేగంగా దూసుకుపోతుందన్న వివరాలను తెలుసుకోగలిగామని నాసా తెలిపింది. ఏ విధంగా చూసినా కూడా ఈ గ్రహ శకలం భూమిని ఢీకొనే అవకాశం లేదని, అలాగే మరో వందేళ్ల వరకూ దీనివల్ల భూమికి ఎలాంటి ముప్పు ఉండదని నాసాకు చెందిన పాల్‌షోడాస్ వెల్లడించారు. 2002లో ఈ గ్రహ శకలాన్ని తాము గుర్తించామని దీని పరిమాణం 1.2 కిలోమీటర్ల మేర ఉండొచ్చని తెలిపారు. ఇది భూమిని సమీపించే టప్పుడు దీని వేగం సెకనుకు 34 కిలోమీటర్లని, భూమికి అతి దగ్గరగా ఉన్న గ్రహ శకలాలు అన్నింటికంటే కూడా ఏజే 129 చాలా ఎక్కువని చెప్పారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.