అంతర్జాతీయం
11 దేశాల శరణార్థులకు ఊరట
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, జనవరి 30: ‘అత్యంత ప్రమాదకరమైన’ 11 దేశాలకు చెందిన శరణార్థులు అమెరికాలో ప్రవేశించడంపై అమలులో ఉన్న నిషేధాన్ని ట్రంప్ యంత్రాంగం రద్దు చేసింది. అయితే, శరణార్థుల ప్రవేశంపై ‘లోతైన పరిశీలన’ ఉంటుందని అగ్రరాజ్యం స్పష్టం చేసింది. 11 దేశాల పేర్లను ప్రస్తావించక పోయినప్పటికీ వాటిలో ఉత్తర కొరియా, పది ముస్లిం దేశాల పేర్లు ఉన్నాయని సమాచారం. ఈ దేశాల నుంచి ‘ప్రమాదకరమైన అభ్యర్థనల’ను ఆమోదిస్తామని అమెరికా పేర్కొంది. తమ దేశంలోకి ఎవరెవరు ప్రవేశిస్తున్నారో అన్న అంశం చాలా కీలకమైనదని అమెరికా హోంలాండ్ కార్యదర్శి క్రిస్ట్‌జెన్ నీల్సన్ అన్నారు. శరణార్థుల ముసుగులో ఉన్న ప్రమాదకర శక్తులను ఏరివేసేందుకు, తమ దేశాన్ని పరిరక్షించుకునేందుకు ఇలాంటి చర్యలు అవసరమని అన్నారు.
అమెరికా అధ్యక్షుడిగా డొనాల్డ్ ట్రంప్ బాధ్యతలు చేపట్టాక మారిన శరణార్థుల విధానం మేరకు కొన్ని నిషేధాలను పాటిస్తున్నారు. అయితే ఏ దేశాల శరణార్థులు ప్రమాదకరమన్న విషయాన్ని స్పష్టంగా ప్రకటించకపోయినా, కొన్ని దేశాలను ‘ప్రమాదకరం’గా భావిస్తున్నారు. ఆ జాబితాలో ఈజిఫ్ట్, ఇరాన్, ఇరాక్, లిబియా, మాలి, ఉత్తర కొరియా, సోమాలియా, దక్షిణ సూడాన్, సిరియా, సూడాన్, యెమెన్ దేశాలున్నాయన్న ప్రచారం జరుగుతోంది. 2007లో అప్పటి అమెరికా అధ్యక్షుడు బారక్ ఒబామా శరణార్థుల ప్రవేశానికి అనుమతి ఇచ్చారు. ట్రంప్ అధికారంలోకి వచ్చాక అమెరికాలో శరణార్థుల ప్రవేశంపై ఆంక్షలు విధించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.