అంతర్జాతీయం
దక్షిణాఫ్రికాలో రాజకీయ ప్రతిష్టంభన
S ,7 à 8 RSCA (si SASPAS) et 6 cialis pharmacie cialis rapports de stage.
జోహనె్నస్‌బర్గ్, ఫిబ్రవరి 10: దక్షిణాఫ్రికాలో రాజకీయ ప్రతిష్ఠంభన ఇంకా కొనసాగుతోంది. సొంత పార్టీ ఆఫ్రికన్ నేషనల్ కాంగ్రెస్ పదవినుండి వైదొలగాలని కోరినప్పటికీ దేశాధ్యక్షుడు జాకబ్‌జుమా పదవిని పట్టుకుని వేళ్లాడుతూండటంతో ఆయనను సాగనంపే ప్రయత్నాలు ఇంకా ఫలితాన్ని ఇవ్వలేదు. పదవినుంచి వైదొలిగే విషయంలో జాకబ్‌జుమాతో జరుపుతున్న చర్చలు ఇంకా కొలిక్కిరాలేదు. ఒకటి రెండురోజుల్లో చర్చలు పూర్తవుతాయని కాబోయే అధ్యక్షుడు సైరిల్ రమఫొసా, ఏఎన్‌సీ ప్రకటించినప్పటికీ జుమా వైదొలిగే విషయంపై ఎటువంటి సమాచారమూ లేదు. పార్లమెంటులో గురువారంనాడు జాతినుద్దేశించి ప్రసంగించే పనితో సహా అన్ని కార్యక్రమాలను జుమా రద్దు చేసుకున్నారు. కాగా నెల్సన్‌మండేలా శతజయంతి, 1990లో జైలునుంచి మండేలా విడుదలకు గుర్తుగా ఆదివారంనాడు జరిగే కార్యక్రమంలో ఉపాధ్యక్షుడు రమఫొసా ప్రసంగించవలసి ఉంది.
కాగా పదవినుంచి వైదొలగే విషయంలో అధ్యక్షుడు జుమా, ఉపాధ్యక్షుడు రమఫొసా మధ్య మరో రెండు రోజుల్లో ముగుస్తాయని, చర్చల ఫలితాన్ని జాతికి ఆ తరువాత వెల్లడిస్తారని తెలుస్తోంది. అయితే పదవినుండి తప్పుకునేందుకు జుమా అంత సులువుగా ఒప్పుకోరని, కడదాకా పోరాడతారని రాజకీయ ప్రముఖులు, విశే్లషకులు భావిస్తున్నారు. ఈ ప్రతిష్ఠంభన మరికొన్ని రోజులు కొనసాగవచ్చునని వారు అంచనావేస్తున్నారు. సుదీర్ఘకాలంగా పెండింగ్‌లో ఉన్న అనేక క్రిమినల్ కేసులు పదవినుంచి వైదొలగితే పీకకు చుట్టుకుంటాయన్న కారణంగా ఆయన భీష్మించుకు కూర్చున్నారని భావిస్తున్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.