అంతర్జాతీయం
ట్రంప్‌ను చంపేద్దామనుకున్నా!
S ,7 à 8 RSCA (si SASPAS) et 6 cialis pharmacie cialis rapports de stage.
లాస్‌ఏంజిలెస్, జూన్ 21: అమెరికా అధ్యక్ష ఎన్నికలకు రిపబ్లికన్‌పార్టీ అభ్యర్థిగా తలపడుతున్న డొనాల్డ్ ట్రంప్‌పై హత్యాయత్నానికి పాల్పడ్డాడన్న ఆరోపణలపై 19 ఏళ్ల ఓ బ్రిటిష్ యువకుడిపై అభియోగాలు దాఖలయ్యాయి. లాస్‌వెగాస్‌లో జరిగిన ఓ ర్యాలీలో ఓ పోలీసు అధికారి నుంచి తుపాకీని లాక్కొని ట్రంప్‌పై కాల్పులు జరిపేందుకు ఈ యువకుడు యత్నించినట్టుగా ఇందులో పేర్కొన్నారు. శనివారం జరిగిన ర్యాలీలో ఈ సంఘటన జరిగింది. అయితే ఈ యువకుడి ప్రయత్నాన్ని అడ్డుకున్న పోలీసులు అతడిని అదుపులోకి తీసుకున్నారు. ట్రంప్‌ను చంపడానికే కాలిఫోర్నియా నుంచి లాస్‌వెగాస్‌కు తాను వచ్చినట్టు మైఖెల్ సాండ్‌ఫోర్డు అనే యువకుడు అంగీకరించాడు. ఇందుకోసం తుపాకీ ఎలా కాల్చాలోకూడా నేర్చుకున్నానని అన్నాడు. ఒకవేళ తాను తుపాకీ పేల్చగలిగినా రెండు మూడు రౌండ్లకు మించి దాన్ని పేల్చే శక్తి తనకు లేదని, ఒకవేళ పట్టుబడితే అధికారులు తనను చంపేస్తారన్న సంగతి తెలుసని సాండ్‌ఫోర్డ్ చెప్పాడు. ఒక వేళ లాస్‌వెగాస్‌లో తన ప్రయత్నం విఫలమైతే ఫినిక్స్‌లో జరిగే మరో ర్యాలీలోనైనా ట్రంప్‌ను చంపేద్దామని కూడా తాను సిద్ధపడ్డానని తెలిపాడు. ముస్లింలు, మెక్సికన్‌లు ఇతర వర్గాలపై ట్రంప్ పేలుతున్న అవాకులు, చెవాకులు కారణంగానే తానీ నిర్ణయానికి వచ్చానని మైఖెల్ వెల్లడించాడు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.